ການກໍ່ສ້າງພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ນະ ຄອນຫຼວງວຽງຈັນ ຢູ່ເຂດຫນອງບຶກເມືອງສີໂຄດຕະບອງ ໄດ້ສຳເລັດ. ຂະນະທີ່ໜັງສືພິມວຽງຈັນໃຫມ່ ກໍປະກາດຍ້າຍສຳນັກງານຈາກຫ້ອງການຫຼັງເກົ່າ ຄຸ້ມຊຽງຍືນໄປສູ່ ຫ້ອງການຫຼັງໃຫມ່ນີ້ ນັບແຕ່ວັນທີ 26 ກຸມພາເປັນຕົ້ນໄປ.
ໂຄງການກໍ່ສ້າງພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ນະ ຄອນຫຼວງວຽງຈັນ ໄດ້ເລີ່ມລົງ ມືກໍ່ສ້າງໃນເດືອນທັນວາ ປີ 2015 ແລະ ໄດ້ສຳເລັດໃນວັນ ທີ 30 ພະຈິກ ປີ 2017 ໂດຍ ແມ່ນບໍລິສັດທີເຄກຣຸບ ຈຳກັດ ຜູ້ດຽວ ເປັນຜູ້ຮັບເໝົາກໍ່ສ້າງ. ພິທີມອບ - ຮັບໂຄງການ ດັ່ງກ່າວ ລະຫວ່າງ ບໍລິສັດທີເຄ ກຣຸບ ຈຳກັດ ຜູ້ດຽວ ແລະ ພະ ແນກຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວນະຄອນ ຫຼວງວຽງຈັນໄດ້ຈັດຂຶ້ນເມື່ອວັນ ທີ 23 ກຸມພາ ຜ່ານມາ ໂດຍ ການໃຫ້ກຽດເຂົ້າຮ່ວມຂອງ ທ່ານ ສີຫຸນ ສິດທິລືໄຊ ຮອງ ເຈົ້າຄອງນະຄອນຫຼວງວຽງຈັນ,ແຂກຖືກເຊີນ ແລະ ພະນັກ ງານເຂົ້າຮ່ວມ.
ໂຄງການກໍ່ສ້າງສຳນັກ ງານພະແນກ ຖວທ ນະຄອນ ຫຼວງວຽງຈັນ ລວມມີການກໍ່ ສ້າງອາຄານຫ້ອງການໃຫຍ່ 3 ຊັ້ນ, ກວ້າງ 19 ແມັດ, ຍາວ 54 ແມັດ, ປະກອບມີ 64 ຫ້ອງ (ລວມທັງຫ້ອງນ້ຳ), ກໍ່ສ້າງກຳ ແພງຍາວ 562 ແມັດ, ເດີ່ນ ຈອດລົດ, ເຮືອນຮັບແຂກພະ ນັກງານ ລວມມີເນື້ອທີ່ທັງ ໝົດ 8.372 ແມັດມົນທົນ, ໂຄງການ ກໍ່ສ້າງດັ່ງກ່າວ ແຕ່ລະໜ້າວຽກ ແມ່ນເຮັດຖືກຕ້ອງຕາມແບບ ແຜນທີ່ກຳນົດໄວ້ ແລະ ຖືກ ຕ້ອງຕາມເຕັກນິກການກໍ່ສ້າງ ໃນນັ້ນ ວັດສະດຸທີ່ນຳໃຊ້ເຂົ້າ ໃນການກໍ່ສ້າງແມ່ນໄດ້ມາດ ຕະຖານດ້ວຍການຜ່ານການ ກວດກາຢ່າງລະອຽດ.
ໃນໂອກາດດັ່ງກ່າວກໍໄດ້ ມີການເຊັນມອບ - ຮັບ ລະ ຫວ່າງທ່ານ ທັດນະຄອນ ທຳມະວົງ ປະທານບໍລິສັດທີເຄ ກຣຸບ ຈຳກັດ ຜູ້ດຽວເປັນຜູ້ເຊັນ ມອບ ແລະ ທ່ານ ຄຳປະດິດ ເຂັມມານິດ ຫົວໜ້າພະແນກ ຖວທ ນະຄອນຫຼວງວຽງຈັນ ເປັນຜູ້ເຊັນຮັບ ໃນນັ້ນ ບໍລິສັດ ດັ່ງກ່າວຍັງໄດ້ມອບລົດຕູ້ຈຳ ນວນ 1 ຄັນໃຫ້ແກ່ພະແນກ ຖວທ ນະຄອນຫຼວງວຽງຈັນ ເພື່ອນຳໃຊ້ເຂົ້າໃນວຽກງານ ຂອງພະແນກໃຫ້ມີຄວາມສະ ດວກຍິ່ງຂຶ້ນ.
ໃນໂອກາດນີ້, ທ່ານ ສີຫຸນ ສິດທິລືໄຊ ກໍໄດ້ໃຫ້ກຽດຕັດ ແຖບຜ້າເປີດການນຳໃຊ້ສຳ ນັກງານດັ່ງກ່າວຢ່າງເປັນທາງ ການອີກດ້ວຍ
ແຫຼ່ງທີ່ມາຈາກhttp://www.pasaxon.org.la
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment