ມົດລູກຢ່ອນ ຫຼາຍຄົນຄົງເຄີຍໄດ້ຍິນ ມົດລູກທຳມະດາຈະຢູ່ສູງແຕ່ຖ້າເນື້ອເຫຍື່ອທີ່ຢູ່ພົກຍ່ຽວກັບລຳໄສ້ທີ່ມີສ່ວນກ່ຽວພັນບໍ່ແຂງແຮງ ຫຼື ຖືກທຳລາຍຈະສົ່ງຜົນໃຫ້ມົດລູກຢ່ອນລົງໄປຢູ່ຊ່ອງຄອດ ທີ່ໜ້າຕົກໃຈໄປກວ່ານັ້ນຄືສ່ວນໃຫຍ່ຜູ້ທີ່ມົດລູກຢ່ອນກໍ່ຈະເຮັດໃຫ້ພົກຍ່ຽວ ແລະລຳໄສ້ຢ່ອນລົງມານຳ ຊຶ່ງສາມາດແບ່ງອອກເປັນ 4 ລະດັບດັ່ງນີ້:
1. ເກີດພາວະມົດລູກຢ່ອນທີ່ຊ່ອງຄອດເຄິ່ງໜຶ່ງ
2. ເກີດພາວະມົດລູກຢ່ອນມາໃກ້ປາກຊ່ອງຄອດ
3. ເກີດພາວະມົດລູກຢ່ອນອອກມານອກຊ່ອງຄອດ
4. ເກີດພາວະມົດລູກຢ່ອນອອກມານອກຊ່ອງຄອດທັງໝົດ ຖືວ່າລະບົບກ້າມຊີ້ນທີ່ຢືດຕິດມົດລູກເສື່ອມສະພາບໂດຍທັງໝົດແລ້ວ.
ຄົນທີ່ເປັນມົດລູກຢ່ອນຕ່ຳລົງມາຈະສະແດງອາການບາງຢ່າງ ຖ້າຢ່ອນພຽງເລັກນ້ອຍອາດບໍ່ຮູ້ ແຕ່ຫາກຢ່ອນຂ້ອນຂ້າງຮຸນແຮງຈະສັງເກດໄດ້ດັ່ງນີ້:
ຮູ້ສຶກຈ່ອງຄືສິ່ງໃດຈະຫຼົ່ນລົງ ຫຼື ມີບາງຢ່າງຍື່ນອອກມາທາງຊ່ອງຄອດ ຊຶ່ງບາງຄັ້ງຈຳເປັນຕ້ອງດັນໃຫ້ມັນກັບເຂົ້າໄປ ທັ້ງຍັງຮູ້ສຶກຄືນັ່ງທັບໝາກບານນ້ອຍໆ ແລະມີເນື້ອເຫຍື່ອເດ່ອອກມາທາງຊ່ອງຄອດ, ມີເລືອດອອກ, ຍຶ່ງທ້ອງ ເຈັບຫຼັງສ່ວນລຸ່ມ ຍ່າງບໍ່ສະບາຍ ແຖມມີອາການຕົກຂາວຫຼາຍຂຶ້ນ ຍິ່ງເວລາມີເພດສຳພັນຈະຮູ້ສຶກລຳບາກ.
ນອກຈາກນີ້ຜູ້ທີ່ມີອາການມົດລູກຢ່ອນຍັງມີບັນຫາຕໍ່ການຍ່ຽວເຊັ່ນ: ຍ່ຽວອອກຊ້າ ຢາກຍ່ຽວຕະຫຼອດເວລາ ບາງຄັ້ງໄອຈາມ ຫຼື ອອກກຳລັງກາຍກໍ່ມີຍ່ຽວໂຢດອອກມາ. ຫາກໃຜຮູ້ສຶກວ່າມີອາການເຫຼົ່ານີ້ແນະນຳໃຫ້ໄປພົບແພດເພື່ອເຂົ້າຮັກສາຢ່າງຖືກວິທີ ເພາະມີຄວາມສ່ຽງເຖິງລະບົບຂັບຖ່າຍ ແລະການສືບພັນໃນໄລຍະຍາວໄດ້.
* ວີທີປ້ອງກັນມົດລູກຢ່ອນ
ຄວາມຈິງແລ້ວບໍ່ສາມາດປ້ອງກັນໄດ້ທຸກກໍລະນີ ແຕ່ຜູ້ທີ່ມີຄວາມສ່ຽງເຊັ່ນແມ່ຍິງຖືພາ ຫຼື ຜູ້ທີ່ເຄີຍເກີດລູກມາແລ້ວຄວນບໍລິຫານຫ້າມຊີ້ນໃນຮ່າງກາຍໃຫ້ແຂງແຮງ ນອກຈາກນີ້ຕ້ອງດື່ມນ້ຳທຳມະດາໃຫ້ພຽງພໍ, ກິນຜັກ, ໝາກໄມ້ ແລະທັນຕະພືດ ຫຼື ສານອາຫານທີ່ມີເສັ້ນໃຍສູງ ເພື່ອປ້ອງກັນບັນຫາຍຶ່ງທ້ອງ ທີ່ເຮັດໃຫ້ຕ້ອງອອກແຮງເບັ່ງຖ່າຍໜັກແຮງໆ ອັນຈະນຳໄປສູ່ອາການມົດລູກຢ່ອນ.
ຫຼີກລ່ຽງການຍົກເຄື່ອງຂອງໜັກໆ ບໍ່ຄວນລົງນ້ຳໜັກຢູ່ແອວຫຼື ຫຼັງ, ຕ້ອງຮັກສານ້ຳໜັກໃຫ້ຢູ່ໃນເກນມາດຕະຖານ, ຮັກສາບັນຫາສຸຂະພາບຊ້ຳເຮື້ອທີ່ຈະນຳໄປສູ່ມົດລູກຢ່ອນເຊັ່ນ: ໂລກຫອບຫືດ , ລອດລົມອັກເສບຊຳເຮື້ອ ລວມທັງການສູບຢາ ທັງໝົດນີ້ຕ້ອງໄດ້ເອົາໃຈໃສ່ເພາະລ້ວນເປັນຕົ້ນເຫດຂອງບັນຫາ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment