5 ເຫດຜົນທີ່ ກອງເຊຍ ເລຶອກໄປສະໜາມ ມຊ ປານງານບຸນໃຫຍ່, ສ່ວນສະໜາມ ຫຼັກ 16 ປານງານນ້ອຍໆ

ການແຂ່ງຂັນບານເຕະ ເປບຊີ ລາວພຣີເມຍລີກ ລະດູການ 2018 ເປີດສາກຂຶ້ນຢ່າງເປັນທາງການ ເມື່ອທ້າຍອາທິດ ທີ່ຜ່ານມາ ມີການແຂ່ງຂັນ 4 ຄູ່ປະກົດວ່າ: ຄູ່ທໍາອິດ ປກສ ຊະນະ ສະຫວັນ ຢູໄນເຕັດ 2-0, ລາວໂຕໂຢຕ້າ ເອັຟຊີ ຊະນະ ກອງທັບ 5-2 ແລະ ຊ້າງນ້ອຍ ຊະນະ ມາສເຕີ ເຊເວັ້ນ 1-0 ທີ່ສະໜາມກີລາແຫ່ງຊາດ ຫຼັກ 16 ແລະ ດີເຄ ເອັຟຊີ ສະເໝີ ຫຼວງພະບາງ ຢູໄນເຕັດ 1-1 ທີ່ສະໜາມກີລາມະຫາວິທະຍາໄລແຫ່ງຊາດ.

ສະໜາມ ມຊ

ສະໜາມຫຼັກ 16

ໂດຍສີສັນກອງເຊຍ ທີ່ສະໜາມກິລາມະຫາວິທະຍາໄລແຫ່ງຊາດນັດທີ່ ດີເຄ ເປີດບ້ານຮັບມື ຫຼວງພະບາງ ເມື່ອວັນທີ 25 ກຸມພາທີ່ຜ່ານມາ ແຟນບານແຫ່ເຂົ້າຢ່າງຫຼວງຫຼາຍ ແລະ ປານງານບຸນໃຫຍ່ ຫຼາຍກວ່າ ສະໜາມກິລາແຫ່ງຊາດ ຫຼັກ 16 ຂາດລອຍ. ດັ່ງນັ້ນ, ແອັດມິນນົກ ຈິ່ງຮອບຮວມເອງຄວາມຄິດເຫັນຂອງຫຼາຍຄົນມາປະກອບມີ 5 ເຫດຜົນຫຼັກໆດັ່ງນີ້:

1.ສະໜາມກິລາມະຫາວິທະຍາໄລແຫ່ງຊາດ ຢູ່ຈຸດໃຈກາງເທດສະບານຫຼາຍກວ່າ ໂດຍສະເພາະເປັນສູນລວມຂອງນັກສຶກສາມະຫາວິທະຍາໄລແຫ່ງຊາດ.
2.ໄລຍະທາງທີ່ແຟນບານ ໄປສະໜາມນັ້ນ ສະໜາມ ມຊ ສະດວກ ແລະ ໃຫ້ກວ່າ ພ້ອມທັງກັບບ້ານໄດ້ສະດວກ.
3.ແຟນບານຢາກເຫັນຟອມຂອງນັກເຕະນ້ອງໃໝ່ຈາກຕ່າງແຂວງຢ່າງ ຫຼວງພະບາງ ຢູໄນເຕັດ ທີ່ຊື້ນັກເຕະຕ່າງປະເທດມາສ້າງສີສັນ ເພາະສະໜາມ ມຊ ເປັນການແຂ່ງຂັນ ຫຼວງພະບາງ.

4.ນັດດັ່ງກ່າວ ດີເຄ ເອັຟຊີ ກັບ ຫຼວງພະບາງ ຢູໄນເຕັດ ຕ່າງກໍ່ສ້າງກິດຈະກໍາແຈກເສື້ອ ໂດຍສະເພາະ ດີເຄ ເຈົ້າບ້ານແຈກເສື້ອ ແລະ ລາງວັນອື່ນໆ ເຮັດໃຫ້ແຟນບານຢາກໄປຫຼາຍຂຶ້ນ.
5.ກອງເຊຍ ຢາກເຫັນຫຼາກຫຼາຍສີສັນ ໂດຍສະໜາມ ມຊ ເປັນສູນລວມຂອງນັກສຶກສາ ແນ່ນອນແຟນບານຢາກເຫັນນັກຮຽນ - ນັກສຶກສາ ມະຫາວິທະຍາໄລແຫ່ງຊາດລາວ ຈິ່ງເລຶອກໄປສະໜາມນີ້ຫຼາຍກວ່າ ໂດຍສະເພາະໜຸ່ມໆ ທີ່ຕ້ອງການຄາຍຄຽດດ້ວຍການເບິ່ງສາວໆ.