ສື່ປະເທດເພື່ອນບ້ານລາຍການ ອຸດດອນທານີ ເອັຟຊີ ນ້ອງໃໝ່ໄທລີກ 2 (ດິວິຊັນ 2) ລະດູການ 2018 ສ້າງສະຖິຕິແນບານເຂົ້າຊົມຫຼາຍທີ່ສຸດໃນຮອບ 2 ປີ ໃນນັດທີ່ ອຸດດອນທານີ ເປີດບ້ານສະເໝີກັນ ໜອງບົວພິດຊະຍາ 1-1 ເມື່ອວັນທີ 17 ມີນາ ທີ່ຜ່ານມາ.
ເຊິ່ງນັດດັ່ງກ່າວມີຍອດຜູ້ຊົມເຂົ້າມາສະໜາມ ສະຖາບັນພົນສຶກສາວິທະຍາເຂດອຸດອນທານີ ເຖິງ 9.346 ຄົນ ສາມາດເກັບປີ້ເຂົ້າຊົມໄດ້ເຖິງ 645.430 ບາດ, ເຊິ່ງເປັນສະຖິຕິໃໝ່ຕະຫຼອດການຂອງ ໄທລີກ 2 ຕໍ່ຈາກນັດທີ່ ອຸດອນທານີ ເອັຟຊີ ລົງສະໜາມນັດທໍາອິດເອົາຊະນະ ໄທຮອນດ້າ ລາດກຣະບັງ 3-0 ເມື່ອວັນທີ 18 ກຸມພາ ທີ່ຜ່ານມາ ທີ່ມີກອງເຊຍເຂົ້າມາຊົມ 6,000 ຄົນ.
ສໍາລັບ ອຸດອນທານີ ເອັຟຊີ ໄດ້ສິດເປັນທີມສຸດທ້າຍເລື່ອນຂັ້ນຈາກ ໄທລີກ 3 ຂຶ້ນມາຢູ່ ໄທລີກ 2 ແລະ ສ້າງຜົນງານໄດ້ຢ່າງໂດດເດັ່ນ ຫຼັງຈາກຜ່ານໄປ 6 ນັດ ເກັບໄດ້ເຖິງ 11 ຄະແນນຢູ່ອັນດັບທີ 4 ຂອງຕາຕະລາງ.
ຈາກສະຖິຕິດັ່ງກ່າວ ມາທຽບກັບ ແຟນບານລາວພຣີເມຍລີກ (ລີກສູງສຸດຂອງລາວ) ເຫັນວ່າ ໄທລີກ 2 ກິນຂາດລອຍ ແບບບໍ່ເຫັນຝຸ່ນ ເພາະສະຖິຕິ 2016 ທີ່ລາວພຣີເມຍລີກ ບູມນັ້ນ ມີແຟນບານເຂົ້າຊົມຫຼາຍສຸດນັດລະຫວ່າງ ລາວໂຕໂຢຕ້າ ເອັຟຊີ ເປີດບ້ານຮັບການມາຢາມຂອງ ລ້ານຊ້າງ ຢູໄນເຕັດ ຮອບຂາໄປ ແລະ ຮອບຂາກັບ ແຟນບານແຫ່ເຂົ້າຊົມບໍ່ເກີນ 4.000 ຄົນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment