ໃນວັນທີ 12 ມີນາ 2018 ທີ່ຜ່ານມາບໍລິສັດແອໂຣນໄດ() ຊຶ່ງເປັນຕົວແທນຂາຍ ແລະເຊົ່າເຮືອນບິນ Legacy 500 jet ຂອງບໍລິສັດ Embraer ຊຶ່ງໄດ້ເປີດໂຕເຮືອບິນສ່ວນຕົວ Legacy 500 Jet ໂດຍໄດ້ເດີນທາງມາຮອດນະຄອນຫຼວງວຽງຈັນໃນເວລາ 15:40 ນາທີຂອງວັນດຽວກັນ ຖືເປັນການມາລາວຄັ້ງທຳອິດຂອງເຮືອບິນລຸ້ນນີ້.
ພາຍໃນງານມີທ່ານ ລັດຕະນະມະນີ ຄຸນນີວົງ ຮອງລັດຖະມົນຕີກະຊວງໂຍທາທິການ ແລະຂົນສົ່ງ, ທ່ານກິ່ງມະໂນ ວົງມະຫາໄຊ ຮອງລັດຖະມົນຕີ ຮອງຫົວໜ້າສຳນັກງານປະທານປະເທດ, ທ່ານຊັນນີ ສຸວັນນະວົງ ຫົວໜ້າບໍລິສັດ ແອວໂຣນໄດ ແອລາເຊີນລາວ ແລະຍັງມີບັນດານັກທຸລະກິດທີ່ມີຄວາມສົນໃຈ ຫຼາຍທ່ານເຂົ້າຮ່ວມເຮືອບິນລຸ້ນໃໝ່ນີ້.
Legacy 500 jet ເປັນເຮືອນບິນລຸ້ນໃໝ່ມີການອອກແບບທັນສະໄໝ ປະຢັດນ້ຳມັນເຊື້ອໄຟ ສາມາດເດີນທາງໄດ້ໄກສຸດເຖິງ 3.600 ໄມ ດ້ວຍຄວາມໄວສູງສຸດ 1004 ກິໂລແມັດຕໍ່ຊົ່ວໂມງ. ສາມາດຮັບຜູ້ໂດຍສານໄດ້ສູງສຸດ 60 ຄົນ. ສຳລັບເຮືອບິນລຳນີ້ຍັງສາມາດເຄື່ອນທີ່ໄດ້ຄືກັນກັບເຮືອນ ເໝາະສຳລັບບຸກຄົນ ຫຼື ອົງກອນທີ່ຕ້ອງການຄວາມເປັນສ່ວນຕົວໃນການເດີນທາງ.
ເຮືອບິນລຸ້ນນີ້ໄດ້ມີຈຸດລິເລີ່ມມາແຕ່ປີ 2008, ອອກບິນຄັ້ງທຳອິດໃນວັນທີ 27 ພະຈິກ 2012 ແລະຫາກໍ່ໄດ້ເປີດໂຕຢ່າງເປັນທາງການໃນ ເດືອນມິຖຸນາ 2016 ຜ່ານມາທີ່ລັດຟໍລີດາ ຂອງອາເມລິກາ.
ຕາມຂໍ້ມູນທີ່ໄດ້ມາຍົນຮຸ້ນນີ້ສຳລັບຂົງເຂດອາຊີ-ປາຊີຟິກເຮົາແມ່ນທາງບໍລິສັດ Embraer ໄດ້ຈັດສົ່ງໃຫ້ລູກຄ້າແລ້ວ 95 ລຳໃນ 10 ປະເທດໃນນັ້ນກໍ່ລວມມີນັກແດງຊື່ດັງຈາກແດນມັງກອນທີ່ທຸກຄົນຮູ້ຈັກກັນດີໃນນາມ ເສີນຫຼົງຢູ່ນຳ.
Cr: Souk Phimmasone
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment