ໃນຕອນເຊົ້າ ວັນຈັນ 19 ມີນາ 2018 ຢູ່ທີ່ ຫ້ອງປະຊຸມ ສຕລ ບ້ານຫ້ວຍຫົງ ເມືອງຈັນທະບູລີ ນະຄອນຫລວງ ໄດ້ມີການເປີດການຝຶກອົບຮົມ ຄູຝຶກບານເຕະລະດັບ C ຂອງສະຫະພັນບານເຕະ ອາຊີ ‘’ AFC ’’ ໂດຍການໃຫ້ກຽດເຂົ້າຮ່ວມໂດຍມີ ທ່ານ ສົມສະຫນຸກ ລຽນສະຫວັນ ຮອງເລຂາທິການ ສະຫະພັນບານເຕະແຫ່ງຊາດລາວ, ທ່ານ ໄມວອງ ( MIKE WONG MUN HENG ) ວິທະຍາກອນ ຈາກ ເອເອັຟຊີ ຊາວ ສິງກະໂປ, ທ່ານ ສົມສັກ ແກ້ວດາລາ ຮອງຫົວຫນ້າ ພະແນກ ເຕັກນິກ - ວິທະຍາ ເປັນຜູ້ແປພາສາ, ທ່ານ MEHMET FATIH KALE ຜູ້ຊ່ວຍ ຄູຝຶກ ທີມຊາດ ລາວ ຊຸດໃຫຍ່ ສັນຊາດ ຕວກກີ ພ້ອມດ້ວຍພາກສ່ວນທີ່ກ່ຽວຂ້ອງ ແລະ ນັກສຳມະກອນ ເຂົ້າຮ່ວມ.
ການຝຶກອົບຮົມ ແມ່ນໄດ້ດຳເນີນການຝຶກ ນັບຕັ້ງແຕ່ ວັນທີ 19 ມີນາ ຫາ 31 ເມສາ 2018 ມີສຳມະນາກອນເຂົ້າຮ່ວມທັງຫມົດ 26 ຄົນຍິງ 2 ຄົນ ທີ່ມາຈາກສະໂມສອນຕ່າງໆໃນນະຄອນຫລວງ ແລະ ຈາກ ໄທ ຈຳນວນ 12 ຄົນ.
ຕະຫລອດການຝຶກອົບຮົມດັ່ງກ່າວຈະມີການສອບເສັງ 6 ຄັ້ງ ( ຕົວຈິງ 3 ຄັ້ງ ແລະ ທິດສະດີ 3 ຄັ້ງ ) ແຜນການຝຶກອົບຮົມຄູຝຶກບານເຕະໃນຄັ້ງຕໍ່ໄປມີ ສະຫະພັນບານເຕະແຫ່ງຊາດລາວ ຈະໄດ້ຈັດ ການຝຶກອົບຮົມຄູຝຶກບານເຕະ ເອ ຂອງສະຫະພັນບານເຕະອາຊີ ( AFC ‘’ A ‘’ COACHING CERTIFICATE COURSE ) ເຊິ່ງຈະໄດ້ຈັດຂຶ້ນໃນວັນທີ 30 ເມສາ ຫາ 26 ພຶດສະພາ 2018 ( ປິດຮັບສະຫມັກຟອມສະຫມັກ ວັນທີ 26 ມີນາ 2018, ຍ້ອນວ່າຕ້ອງສົ່ງລົງທະບຽນ ແລະ ຕາມກົດລະບຽບ ຂອງ ສະຫະພັນບານເຕະອາຊີ AFC )
ທ່ານໃດສົນໃຈສາມາດມາພົວພັນເອົາແບບຟອມສະຫມັກກ່ອນຂອງທຸກໆການຝຶກອົບຮົມໄດ້ທີ່ ສຕລ ຫ້ອງການ ເຕັກນິກ - ວິທະຍາ ໃນວັນເວລາ ທາງລັດຖະການ, ຕິດຕໍ່ສອບຖາມຂໍ້ມຸູນໄດ້ທີ່ ທ່ານ ກັນລະຍາ ສີສົມຫວັງ ເບີໂທ: 020 99707053, ທ່ານ ອຸດຕະພມ ຂາງມະນີວົງ ເບີໂທ : 020 54443133.
ຂໍ້ມູນຈາກ: ສຕລ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment