ສົມລາຄາກັບ ພຸດທະໄຊ ໂຄຈະເລີກ ນັກເຕະສາລະຜັດປະໂຫຍດຂອງລາວ ທີ່ຍ້າຍໄປຫຼິ້ນໃຫ້ກັບ ນະຄອນປະຖົມ ຢູໄນເຕັດ ທີມໃນໄທລີກ 4 ໂຊນພາກຕາເວັນຕົກ ລະເບີດຟອມຢ່າງໂດດເດັ່ນພາທີມເກັບໄຊ 5 ນັດລວດ ຢຶດທີມນໍາຕາຕະລາງ, ຫຼ້າສຸດກາຍເປັນນັກເຕະທີ່ບົດບາດ ແລະ ສ້າງສັນໂອກາດຍິງໃຫ້ກັບ ທີມຊາດລາວ ຊຸດໃຫຍ່ ຫຼາຍທີ່ສຸດໃນນັດທໍາອິດຂອງປີ 2018.
ພາຍຫຼັງທີ່ ພຸດທະໄຊ ຖືກຮຽກຄືນຕິດທີມຊາດລາວ ຊຸດໃຫຍ່ ແລະ ມີຊື່ຕິດ 23 ນັກເຕະທີມຊາດລາວ ລຸຍບານເຕະມິດຕະພາບ 2 ນັດທີ່ຮັບການມາຢາມຂອງ ກຳປູເຈຍ ໃນວັນທີ 21 ມີນາທີ່ຜ່ານ ແລະ ວັນທີ 27 ມີນາ 2018 ເວລາ 18:00 ລາວ ພົບ ບັງກະລາເທດ ໂດຍທັງ 2 ນັດ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16.
ແລະ ພຸດທະໄຊ ກໍ່ລົງສະໜາມນັດທໍາອິດໃຫ້ກັບ ທີມຊາດຊຸດໃຫຍ່ ສາມາດສ້າງຜົນງານໄດ້ດີທີ່ສຸດ ແລະ ສ້າງສັນໂອກາດຍິງ ພ້ອມດ້ວຍການຈ່າຍໃຫ້ເພື່ອນຮ່ວມທີມຍິງຫຼາຍຄັ້ງ, ເຖິງວ່າຈະບໍ່ສາມາດຊ່ວຍທີມຍິງປະຕູໄດ້ ໃນນັດທີ່ ທີມຊາດລາວ ເສຍໃຫ້ກັບ ກໍາປູເຈຍ 0-1 ພຸດທະໄຊ ໂດດເດັ່ນທີ່ສຸດ ເກືອບເຮັດໃຫ້ທີມຂຶ້ນນໍາຫຼາຍຄັ້ງ, ແຕ່ໜ້າເສຍດາຍໄລຍະທ້າຍເກມໄດ້ຮັບບາດເຈັບ ຈົນຕ້ອງປ່ຽນຕົວອອກຈາກສະໜາມ ກ່ອນຖືກທີມຊາດກໍາປູເຈຍຍິງ ປະຕູໄດ້ທ້າຍເກມ. ດັ່ງຄລິບດ້ານລຸ່ມ.
ສໍາລັບ ພຸດທະໄຊ ໂຄຈະເລີນ ອາຍຸ 22 ປີ ເກີດໃນວັນທີ 29 ທັນວາ 1995 ທີ່ບ້ານສຸນັນທາ ເມືອງ ໄກສອນ ພົມວິຫານ ແຂວງ ສະຫວັນນະເຂດ ເຄີຍຫລິ້ນໃຫ້ ທີມຊາດລາວ ມາຫລາຍ ຊຸດ ນັບຕັ້ງແຕ່ ຊຸດເຍົາວະຊົນ ຈົນເຖິງ ຊຸດໃຫຍ່, ເຊິ່ງນັດຕໍ່ໄປກຽມພາທີມຊາດລາວ ຮັບການມາຢາມຂອງ ບັງກະລາເທດ ໃນວັນທີ 27 ມີນານີ້ ທີ່ສະໜາມກິລາແຫ່ງຊາດຫຼັກ 16.
ໂດຍ ພຸດທະໄຊ ກ້າວເປັນນັກເຕະອາຊີບເຊິ່ງເປັນນັກເຕະເຍົາວະຊົນ ທີ່ມາຈາກ ສະໂມສອນ ເອສະຣາ ຫລິ້ນໃຫ້ກັບ ສະໂມສອນ ນັບຕັ້ງແຕ່ປີ 2007 ຈົນເຖິງປີ 2014.
- ປີ 2015 ຫລິ້ນໃຫ້ກັບ ສະໂມສອນ ຮ່ວາງແອ໋ງອັດຕະປື ເອຟຊີ
- ປີ 2016 ຫລິ້ນໃຫ້ກັບ ສະໂມສອນ ລ້ານຊ້າງ ຢູໄນເຕັດ ພ້ອມພາທີມຄວ້າມແຊ້ມ ລາວພຣີເມຍລີກ ແລະ ຮອງແຊ້ມ TOYOTA MEKONG CLUB CHAMPIONSHIP 2017
- ປີ 2017 ຫລິ້ນໃຫ້ກັບ ສະໂມສອນ ທິບ ສະຫວັນ ເອຟຊີ
ທັງນີ້, ພຸດທະໄຊ ເປັນນັກເຕະລາວຄົນທີ 13 ທີ່ຫລິ້ນໃນລີກອາຊີບທີ່ປະເທດໄທ ເຊິ່ງມີນັກເຕະລາວ ທີ່ເຄີຍຫລິ້ນໃນລີກອາຊີບກ່ອນຫນ້ານັ້ນມີ : ລຳເນົາ ສິງໂຕ, ກັນລະຍາ ສີສົມຫວັງ, ຄຳແພງ ໄຊຍະວຸດທິ, ສຸກອາພອນ ວົງຈຽງຄຳ, ເກດສະດາ ສຸກສະຫວັນ, ແລມໂບ້ ໄຊຊະນະ, ໂສພາ ໄຊຊະນະ, ມະໂນລົມ ພົມສຸວັນ, ທານິນ ພັນທະວົງ, ພັດທະນາ ພົມມະເທບ, ທົດນີລາດ ສີບຸນເຮືອງ ແລະ ຈັນທະພອນ ແຫວນວົງສົດ.
ມາຮອດປັດຈຸບັນ ໃນປີ 2018 ມີນັກເຕະລາວ ທີ່ໄດ້ເຊັນສັນຍາເປັນທາງການຮ່ວມສະໂມສອນ ຈາກ ໄທ ມີ 4 ຄົນ ປະກອບມີ ພັດທະນາ ພົມມະເທບ ສະໂມສອນ ຊົນບູຣິ ເອຟຊີ ໄທລີກ 1, ທົດນີລາດ ສີບຸນເຮືອງ ສະໂມສອນ ສະຫມຸດການ ເອຟຊີ ໄທລີກ 4 ຈັນທະພອນ ແຫວນວົງສົດ ສະໂມສອນ ນ່ານ ເອຟຊີ ໄທລີກ 4 ແລະ ພຸດທະໄຊ ໂຄຈະເລີນ ສະໂມສອນ ນະຄອນປະຖົມ ຢູໄນເຕັດ ໄທລີກ 4 .
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment