ນ້ອງຊ່ວຍແມ່ຈົນວິນາທີສຸດທ້າຍ

ສຸດສະຫຼົດໃຈ ນ້ອງສາວໄວ 16 ປີ ຜູ້ກະຕັນຍູກຳລັງຢູ່ໃນໄວຮຽນ ເປັນນັກຮຽນຢູ່ໂຮງຮຽນບ້ານບໍ່ນາງົວ ເມືອງຈັນທະບູລີ ຕ້ອງມາຈົບຊີວິດຈາກອຸບັດຕິເຫດໃນຂະນະທີ່ກຳລັງເຮັດໜ້າທີ່ແທນແມ່ຢູ່ສວນເຈົ້າຟ້າງຸ່ມ ນະຄອນຫຼວງວຽງຈັນໃນຕອນເຊົ້າວັນທີ 24/3/2018.

ຕາມຂໍ້ມູນຈາກພີ່ນ້ອງໃຫ້ຮູ້ວ່າ ໃນຂະນະທີ່ເກີດເຫດນ້ອງກຳລັງເຮັດໜ້າທີ່ອະນາໄມແທນແມ່ຢູ່ ແຕ່ຢູ່ໆລົດກໍ່ເສຍຫຼັກມາຕຳເອົາ ເບື້ອງຕົ້ນຍັງບໍ່ເສຍຊີວິດ ແຕ່ດ້ວຍບາດເຈັບຈາກບາດແຜຮຸນແຮງ ເຮັດໃຫ້ນ້ອງທົນບໍ່ໄຫວ ແລະໄດ້ເສຍຊີວິດໃນເວລາຕໍ່ມາ.

ການຈາກໄປຂອງນ້ອງຖືເປັນການສູນເສຍຜູ້ສືບທອດທີ່ກະຕັນຍູຮູ້ຄຸນໄປອີກຄົນໜຶ່ງ ແຕ່ເລື່ອງຄວາມເປັນຄວາມຕາຍບໍ່ສາມາດກຳນົດໄດ້ ຢ່າງໜ້ອຍນ້ອງກໍ່ໄດ້ສ້າງບຸນກຸສົນດ້ວຍການຊ່ວຍເຫຼືອແມ່ໂຕເອງທຳມາຫາກິນກ່ອນອຳລາໂລກນີ້ໄປ ໄດ້ແຕ່ຂໍໃຫ້ນ້ອງໄປສູ່ພົບພູມທີ່ດີ ແລະຂໍສະແດງຄວາມເສຍໃຈນຳຄອບຄົວຫຼາຍໆ.

ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ລາຍງານວ່າ: ວັນທີ24/03/2018 ເວລາ 06:04ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວໄດ້ຮັບແຈ້ງເຫດຈາກປະຊາຊົນວ່າມີເຫດລົດໃຫຍ່ຕຳຄົນ

+ຈຸດເກີດເຫດແມ່ນຢູ່ ສວນເຈົ້າຟ້າງຸ່ມ
+ເມື່ອໜ່ວຍກູ້ໄພມູນນິທິອອກກວດສອບເຫດພົບວ່າມີຄົນເຈັບ 1ຄົນ
+ ເບື້ອງຕົ້ນຄົນເຈັບເປັນເພດຍິງ 16ປີ ອາຊີບ ນັກຮຽນ ບ້ານບໍ່ນາງົວ ເມືອງຈັນທະບູລີ ແຂວງນະຄອນຫຼວງວຽງຈັນ

+ ອາການຄົນເຈັບເບື້ອງຕົ້ນແມ່ນ ຂາຫັກເບື້ອງຂວາ ແລະ ມີບາດເປີດຢູ່ໜ້າແຂ່ງເບື້ອງຂວາ ກະທົບຫົວບໍ່ມີສະຕິ
ດັ່ງນ້ນໜ່ວຍກູ້ໄພມູນນິທິຈຶ່ງໄດ້ປະຖົມພະຍາບານຂັ້ນຕົ້ນແລ້ວນຳສົ່ງໂຮງໝໍມິດຕະພາບ150ຕຽງ