ພາຍຫຼັງທີ່ 3 ນັກເຕະຕົວຫຼັກຢ່າງ ລັດທະໄຊ ລຸນລາສີ ກອງກາງ, ສາຍມະໂນລິນ ປະເສີດ ຜູ້ຮັກສາປະຕູ ແລະ ສົມໄຊ ແກ້ວຫານາມ ກອງໜ້າຕົວເດັດ ເພາະຕິດພາລະກິດໄປຊ້ອມບານເຕະກັບ ໂອມິຍະ ອານິຈາ ທີມໃນລີກ 2 ຂອງຍີ່ປຸ່ນເຮັດໃຫ້ໝົດສິດຊ່ວຍທີມຮັບມືກັບ ສະຫວັນ ຢູໄນເຕັດ ໃນເປບຊີ ລາວພຣີເມຍລີກ 2018 ໃນວັນເສົາທີ 3 ມີນານີ້.
ທ່ານ ດວງມະນີ ສຸວັນນະວົງ ຜູ້ຈັດການທີມ ຊ້າງນ້ອຍ ເອັຟຊີ ໃຫ້ສໍາພາດວ່າ: ເຖິງວ່າ ຊ້າງນ້ອຍ ຈະຂາດ 3 ຕົວຫຼັກຢ່າງ ລັດທະໄຊ, ສາຍມະໂນລິນ ແລະ ສົມໄຊ ທີ່ໄດ້ຮັບເລຶອກໄປຝຶກຊ້ອມ ທີ່ປະເທດຍີ່ປຸ່ນ, ໃນສ່ວນຕົວຂອງຂ້າພະເຈົ້າຄິດວ່າ ບໍ່ມີຜົນກະທົບຫຍັງຕໍ່ທີມ ເພາະພວກເຮົາມີນັກເຕະສາມາດທົດແທນກັນໄດ້ໝົດ ແລະ ຊ້າງນ້ອຍຂອງພວກເຮົາ ກໍ່ມີຕົວສໍາຮອງສາມາດແທນຕົວຫຼັກໄດ້ເປັນຢ່າງດີ ລວມທັງມີຄວາມພ້ອມຢູ່ສະເໝີ. ຢ່າງໃດກໍ່ຕາມ, ນັດຕໍ່ໄປພວກເຮົາຫວັງເກັບ 3 ຄະແນນຈາກ ສະຫວັນ ຢູໄນເຕັດ. (ມີຄລິບ)
.
+ວັນເສົາທີ 3 ມີນາ 2018 ລົງແຂ່ງຂັນກັບ 2 ຄູ: ຊ້າງນ້ອຍ ພົບ ສະຫວັນ ຢູໄນເຕັດ ເວລາ 15:00 ໂມງ ແລະ ກອງທັບ ພົບ ຫຼວງພະບາງ ເວລາ 17:30 ໂມງ ທີ່ສະໜາມກິລາແຫ່ງຊາດ ຫຼັກ 16.
+ວັນອາທິດທີ 4 ມິນາ 2018 ມີ 2 ຄູ່ເຊັ່ນກັນ: ດີເຄ ພົບ ມາສເຕີ 7 ເວລາ 17:00 ໂມງ ທີ່ສະໜາມກິລາມະຫາວິທະຍາໄລແຫ່ງຊາດ ແລະ ປກສ ພົບ ລາວໂຕໂຢຕ້າ ເວລາ 17:00 ໂມງ ທີ່ສະໜາມກິລາແຫ່ງຊາດ ຫຼັກ 16
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment