ການກໍ່ສ້າງພັດທະນາເປັນສິ່ງທີ່ດີ ແລະແນ່ນອນຈະສ້າງຄວາມຫຍຸ້ງຍາກ ໃນຊ່ວງໃດໜຶ່ງ ໂດຍສະເພາະແມ່ນການກໍ່ສ້າງທາງ ແຕ່ກ່ອນອື່ນຜູ້ຈະດຳເນີນການປັບປຸງຄວນຫາທາງເວັ້ນໃຫ້ລົດຜ່ານທາງຖ້າຈະແປງກວມໝົດໜ້າທາງ ທັ້ງນີ້ກໍ່ເພື່ອບໍ່ໃຫ້ມີການລົບກວນຊ່ວງທາງທີ່ກໍ່ສ້າງ ແລະຮັບປະກັນຄວາມປອດໄພຂອງຜູ້ໃຊ້ລົດໃຊ້ຖະໜົນກໍ່ຄືລົດລາງຂອງເພິ່ນ.
ທີ່ຕ້ອງຍົກເອົາບັນຫານີ້ຂຶ້ນມາກໍ່ເພາະວ່າມື້ວັນທີ 2 ມີນາຜ່ານມາມີການກໍ່ສ້າງປັບປຸງທາງຢູ່ທາງແຂວງວຽງຈັນ ຊຶ່ງປະຊາຊົນຜູ້ທຽວທາງທີ່ຜ່ານໄປແຖວນັ້ນຄ້າງຄາໃຈຫຼາຍຈິ່ງຝາກ ຂໍຄວາມກະຈ່າງແຈ້ງຜ່ານສັງຄົມອອນລາຍຫາບັນດາຜູ້ຮູ້ວ່າ: ຂ້າພະເຈົ້າບໍແມ່ນວິຊາວະກອນຂົວທາງ, ແຕ່ເປັນປະຊາຊົນຄົນຫນຶ່ງທີ່ໃຊ້ຖະຫນົນຂ້ອນຂ້າງຫລາຍ, ໄລຍະຫລັງໆ ສີ່ຫ້າປີທີ່ຜ່ານມາ ໃນການແປງຖະຫນົນ ຢູ່ເສັ້ນທາງວຽງຈັນວັງວຽງ ແມ່ນມີອຸປະສັກສຸດໆ, ຜ່ານມາຂ້າພະເຈົ້າເຫັນວ່າ ການແປງທາງແມ່ນເພີ່ນແປງເທື່ອລະເຄີ່ງ ເພື່ອໃຫ້ການສັນຈອນສາມາດເຄື່ອນໄປໄດ້, ແຕ່ມື້ວານນີ້ ການລາດຢາງລົງກ່ອນແມ່ນລາດເຕັມຖະຫນົນ ແລະກໍ່ບໍ່ລົງຫີນ, ລົດທຸກຄັນຈຳເປັນຕ້ອງໄດ້ຜ່ານເພາະມັນບໍ່ມີທາງເລືອກ.
ບັນຫາກໍ່ມີຢູ່ວ່າ 1 ລົດທຸກຄັນແມ່ນເປື້ອນເປິຈາກຢາງຫມາກຕອຍ ຊຶ່ງກໍ່ຫມາຍເຖິງຄວາມເສຍຫາຍຂອງຜູ້ຊົມໃຊ້ຖະຫນົນທຸກຄົນທີ່ຕ້ອງໄດ້ເສຍເງິນຢ່າງຕ່ຳ 2 ເຖີງ 3 ແສນກີບ ເພື່ອປ່ຽນຢາງໃໝ່ ຫຼື ເຮັດຫຍັງກໍ່ວ່າກັນໄປຕາມຄວາມເສຍຫາຍ, 2 ທາງລາດຢາງໃໝ່ມື່ນຫລາຍ ເຊີ່ງມັນກໍ່ໃຫ້ມີວາມສ່ຽງໃຫ້ຜູ້ຂັບຂີ່ ໂດຍສະເພາະຜູ້ໃຊ້ລົດຈັກ ຈິ່ງຢາກຮູ້ວ່າ ການກໍ່ສ້າງມີຜູ້ກວດກາຢູ່ບໍ່, ຜູ້ຊົມໃຊ້ເສຍຫາຍແມ່ນໃຜຮັບຜິດຊອບນີ້ຄືຄຳຖາມໃນໃຈທີ່ຢາກຮູ້.
ທີ່ເອົາມານຳສະເໜີບໍ່ແມ່ນຢາກໂຈມຕີ ຫຼື ຈັ່ງໃດ ພຽງແຕ່ເປັນການແລກປ່ຽນຄວາມຄິດເຫັນ ແລະຢາກໃຫ້ມີອັນປ່ຽນແປງທີ່ດີຂຶ້ນຫາກມີການກໍ່ສ້າງໃນວັນຂ້າງໜ້າ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment