ມື້ນີ້ແອັດມິນນົກ ເຊີນມາທ່ຽວຊົມ ເມືອງແອດ ເຊິ່ງແມ່ນໜຶ່ງໃນ 10 ເມືອງທີ່ຂຶ້ນກັບແຂວງຫົວພັນ, ເຊິ່ງບ້ານເທດສະບານ ເມືອງແອດ ມີພູມສັນຖານເປັນເຂດຫ້ວຍເລິກ, ພູຊັນແຕ່ມີຮູບຮ່າງສວຍງາມໄປຕາມທໍາມະຊາດ, ມີປ່າໄມ້ຂຽວງາມຕະຫຼອດປີ, ມີແກ້ງນໍ້າຕົກຕາດທີ່ສວຍງາມ, ເປັນເມືອງທີ່ມີທ່າແຮງດ້ານການພັດທະນາເສດຖະກິດ ແລະ ມີແຫຼ່ງທ້ອງທ່ຽວທາງປະຫວັດສາດ ແລະ ທຳມະຊາດຫຼາຍແຫ່ງ.
ໂດຍສະເພາະແມ່ນ ແກ້ງລິດ ຫ່າງຈາກເທດສະບານ ເມືອງແອດ 9 ກິໂລແມັດ ເປັນແກ້ງພະລານຫີນ (ນ້ຳແອດ) ທີ່ມີວາມຍາວ ປະມານ 100 ແມັດ, ກວ້າງ ປະມານ 40 ແມັດ, ມີທາງລົດເຂົ້າເຖິງ ແຕ່ຍັງບໍ່ໄດ້ພັດທະນາສິ່ງອຳນວຍຄວາມສະດວກອື່ນໆ.
ໂດຍທິດເໜືອ ຕິດກັບ ເມືອງຊົ່ງມ່າ ແຂວງເຊີນລາ ສສ ຫວຽດນາມ, ທິດໃຕ້ຕິດກັັບ ເມືອງຊຳເໜືອ, ທິດຕາເວັນອອກຕິດກັບ ເມືອງຊຽງຄໍ້, ທິດຕາເວັນຕົກຕິດກັບ ເມືອງຊ່ອນ
ເມືອງແອດ ມີເນຶ້ອທີ່ທັງໝົດ 1.330 ກິໂລແມັດ2, ປະກອບມີ 10 ກຸ່ມບ້ານໃຫຍ່, ມີ 77 ບ້ານ, ມີປະຊາກອນລວມທັງໝົດ 27,150 ຄົນ, ຍີງ 13.364 ຄົນ, ປະກອບມີ 3 ຊົນເຜົ່າ ຄື: ເຜົ່າລາວ-ໄຕ, ເຜົ່າມົ້ງ-ອິວມຽນ, ເຜົ່າມອນຂະແມ ສາມາດປະກາດ ບ້ານວັດທະນາທຳ 44 ບ້ານ, ບ້ານພັດທະນາ 43 ບ້ານ, ແລະ ບ້ານສາທາລະນາສຸກແບບຢ່າງ 61 ບ້ານ.
ເຊິ່ງຊາວເມືອງແອັດນັບຖືຮີດຄອງປະເພນີອັນດີງາມຂອງແຕ່ລະເຜົ່າແຕກຕ່າງກັນປະຊາຊົນສ່ວນໃຫຍ່ຖືເອົາອາຊີບເຮັດນາເປັນຕົ້ນຕໍ ແລະ ຖືເອົາການປູກພຶດເປັນສີນຄ້າ, ລ້ຽງສັດ, ຕໍ່າຫູກທໍໄໝ ເປັນຕົ້ນ,ປັດຈຸບັນຄງາມທຸກຍາກຂອງປະຊາກອນຍັງກວມເອົາ 24,52% GDP ສະເລ່ຍ 4,279,348 ກີບ ຕໍ່ຄົນຕໍ່ປີ ເທົ່າກັບ 535 ໂດລາສະຫະລັດຕໍ່ຄົນຕໍ່ປີ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment