ເລື່ອງໂຈນງັດໂຮງແຮມ ທີ່ປາກເຊ

ແຂກໂຮງແຮມແຫ່ງໜຶ່ງໃນເມືອງປາກເຊແຂວງຈຳປາສັກ ຖືກໂຈນງັດຫ້ອງໄປລັກເອົາເຄື່ອງໃນຂະນະນອນຫຼັບຕອນກາງຄືນ ພາຍຫຼັງຮູ້ໂຕໄປລົມກັບເຈົ້າຂອງໂຮງແຮມແຕ່ໄດ້ຄຳຕອບກັບມາບໍ່ຄ່ອຍປະທັບໃຈພໍເທົ່າໃດ ຈິ່ງຝາກເຕືອນແຂກຄົນອື່ນໆໃຫ້ພິຈາລະນາການເລືອກທີ່ພັກ ແລະຝາກພາກສ່ວນກ່ຽວຂ້ອງກວດກາມາດຕະຖານຄວາມປອດໄພຂອງສະຖານທີ່ບໍລິການໂຮງແຮມ.

ຜູ້ປະສົບເຫດການບອກວ່າ: ເຫດການນີ້ເກີດຂຶ້ນໃນຄືນວັນທີ 1 ມີນາ 2018 ມີໂຈນງັດປ່ອງຢ້ຽມໂຮງແຮມແຫ່ງໜຶ່ງທີ່ປາກເຊ ຊຶ່ງໃນຄືນເກີດເຫດຕົນນອນຫຼັບຢູ່ໄດ້ມີໂຈນມາງັດປ່ອງຢ້ຽມແລ້ວລັກເອົາກະເປົາແລບທ໊ອບ ແລະ ກະເປົາເງິນໄປ ໂດຍທີ່ບໍ່ຮູ້ສຶກຕົວເລີຍ. ຫຼັງຈາກນັ້ນ 4ໂມງເຊົ້າເມື່ອຕື່ນຂຶ້ນເຫັນວ່າປ່ອງຢ້ຽມໄດ້ເປີດອອກ ຈຶ່ງຮູ້ວ່າມີການງັດແງະເກີດຂຶ້ນ, ຕໍ່ມາ 6:00 ໂມງເຊົ້າຈຶ່ງໄດ້ພົບເຫັນກະເປົາແລບທ໊ອບ ແລະ ເຄື່ອງຖີ້ມກອງປະໄວ້ຂ້າງໂຮງແຮມ ແຕ່ຜ່ານຈາກກວດຄົ້ນພົບວ່າສິ່ງຂອງມີຄ່າຖຶກລັກໄປ ໄຄແຕ່ຍັງຖີ້ມແລບທ໊ອບ ແລະ ບັດຕ່າງໆປະໄວ້.

ທີ່ໜ້າສົນໃຈອີກອັນໜຶ່ງກໍ່ຄື ໂຮງແຮມບໍ່ມີກ້ອງວົງຈອນປິດພໍຈະເອົາຜິດໂຈນໄດ້ເລີຍ ລູກຄ້າຄົນດັ່ງກ່າວຍັງບອກອີກວ່າບໍ່ມີກ້ອງວົງຈອນປິດຍັງບໍ່ແລ້ວ ເຈົ້າຂອງໂຮງແຮມຍັງບໍ່ມີນໍ້າໃຈ ແລະ ບໍ່ມີຄວາມຊ່ວຍຮັບຜິດຊອບຕໍ່ກັບລູກຄ້າທີ່ຖືກເສຍຫາຍໃນໂຮງແຮມຂອງຕົນອີກ.

ຕໍ່ກັບເຫດການນີ້ ຜູ້ເສຍຫາຍບອກວ່າຊັບສິນທີ່ເສຍໄປເສຍດາຍຢູ່ ແຕ່ເປັນຫ່ວງຕໍ່ພາບພົດຂອງການທ່ອງເມືອງປາກເຊນຳໂດຍສະເພາະປີທ່ອງທ່ຽວລາວ 2018ນີ້ ທາງພາກສ່ວນກ່ຽວຂ້ອງຄວນ ກວດກາການບໍລິການໃຫ້ໄດ້ຄຸນນະພາບ ການບໍລິການດີແລະມີຄວາມປອດໄພແກ່ລູກຄ້າຫຼາຍກວ່ານີ້.