ໂຈເຊ ມູຣິນໂຢ ຜູ້ຈັດການທີມຊາວໂປຣຕຸເກດຂອງບ ແມນເຊັສເຕີ ຢູໄນເຕັດ ສະໂມສອນໃນພຣີເມຍລີກ ອັງກິດ ປົກປ້ອງລູກທີມຢ່າງທີ່ສຸດ ຫຼັງຕົກຮອບ 16 ທີມສຸດທ້າຍ ໃນຢູຟາ ແຊັມປ້ຽນລີກ ດ້ວຍການເສຍໃຫ້ກັບ ເຊບີຢາ ທີມຈາກສະເປນ 1-2 ໃນນັດທີ 2 (ນັດທໍາອິດສະເໝີກັນ 0-0) ເມື່ອວັນທີ 13 ມີນາ ທີ່ຜ່ານມາ.
ນັດນີ້ ເຄິ່ງເວລາທີ 2 ທີມພະຍາຍາມຍິງປະຕູ, ແຕ່ກໍ່ເຮັດຫຍັງບໍ່ໄດ້ ແລະ ເຄິ່ງຫຼັງ ມູຣິນໂຢ ຕັດສິນໃຈປ່ຽນ ມາຣູຢານ ເຟລໄລນີ ອອກ ແລະ ສົ່ງ ປອລ ປອກບາ ລົງມາພິກເກມ, ແຕ່ກາຍເປັນ ເຊບີຢາ ທີ່ໄດ້ປະຕູຈາກ ວິຊາມ ເບນ ເຢແດ ນາທີໆ 74 ກັບ 78, ກ່ອນທີ່ ໂຣເມລູ ລູກາກູ ຈະຍິງປະຕູໄລ່ມາເປັນ 1-2 ກ່ອນຈົບທີ່ຄະແນນດັ່ງກ່າວ.
ຫຼັງຈົບການແຂ່ງຂັນ ມູຣິນໂຢ ກ່າວວ່າ: ຂ້ອຍຄິດວ່າປະຕູທໍາອິດມັນມີຄວາມສໍາຄັນຫຼາຍ, ແຕ່ພວກເຮົາກໍ່ພະຍາຍາມຫຼິ້ນເກມບຸກ ແລະ ຫຼິ້ນດ້ວຍຄວາມກະຕືລືລົ້ນ ຕັ້ງແຕ່ນາທີີທໍາທິດ, ພວກເຮົາຍິງປະຕູບໍ່ໄດ້ ແລະ ເຊບີຢາ ຄອງບານໄດ້ຕະຫຼອດ, ເຊິ່ງຂ້ອຍບໍ່ສາມາດໂທດລູກທີມຂອງຂ້ອຍ ແລະ ຄວາມມຸ່ງໝັ້ນໃນການຫຼິ້ນຂອງພວກເຂົາ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment