ໃນລະຫວ່າງວັນທີ 14 - 15 ມີນາ 2018 ແຂວງຄຳມ່ວນ ໄດ້ຈັດການສອບເສັງຄັດເລືອກເອົານັກຮຽນເກັ່ງໃນລະດັບແຂວງຂຶ້ນຢ່າງເປັນທາງການຢູ່ທີ່ສູນ ICT ໂຮງຮຽນມັດທະຍົມຕອນປາຍທ່າແຂກໂດຍການເປັນປະທານຂອງທ່ານ ນັນຕະໄຊ ອິນທະສອນ ຮອງຫົວໜ້າພະແນກສຶກສາທິການ ແລະ ກິລາແຂວງຄໍາມ່ວນ , ມີບັນດາຂະແໜງການ , ພະນັກງານຄູອາ ຈານ ແລະ ນ້ອງນັກຮຽນທີ່ເປັນຕົວແທນຢູ່ຂັ້ນເມືອງເຂົ້າຮ່ວມ .
ສໍາລັບນັກຮຽນເກັ່ງທີ່ເຂົ້າຮ່ວມການສອບເສັງໃນຄັ້ງນີ້ລວມມີຈໍານວນທັງໝົດ 142 ນ້ອງໃນນັ້ນ ປໍ5 ມີຈໍານວນ 33 ນ້ອງ , ມໍໍ 4 ແລະ ມໍ 7 ມີຈໍານວນ 109 ນ້ອງເຊິ່ງມາຈາກ 10 ຕົວເມືອງ ແລະ 01 ໂຮງຮຽນມິດຕະພາບຄໍາມ່ວນ - ກວາງບິ່ງເຊິ່ງໃນການສອບເສັງແມ່ນແບ່ງອອກເປັນ 03 ຫ້ອງ .
+ຊັ້ນປະຖົມ ( ປໍ 5 ) ສອບເສັງ 03 ວິຊາຄື : ພາສາລາວ , ຄະນິດສາດ , ໂລກອ້ອມຕົວ .
+ມັດທະຍົມຕອນຕົ້ນ - ຕອນປາຍ ( ມໍ 4 ແລະ ມໍ 7 ) ສອບເສັງ 05 ວິຊາຄື : ພາສາລາວ - ວັນນະຄະດີ , ຄະນິດສາດ , ຟີຊິກສາດ , ເຄມີສາດ ແລະ ພາສາອັງກິດ .
ຫຼັງຈາກນັ້ນຄະນະກໍາມະການຄວບຄຸມການສອບເສັງນັກຮຽນເກັ່ງຂັ້ນແຂວງກໍ່ໄດ້ເປັນກຽດເປີດຫົວບົດສອບເສັງລາຍວິຊາຂອງແຕ່ລະຊັ້ນຮຽນ . ສ່ວນຜົນຂອງການສອບເສັງ ແລະ ຈະໄດ້ນັກຮຽນເກັ່ງເທົ່າໃດແມ່ນຈະໄດ້ຮູ້ຜົນໃນຕອນບ່າຍຂອງວັນທີ 15 ມີນາຄົມ 2018 .
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment