ປ່າສະຫງວນແຫ່ງຊາດຫີນໜາມໜໍ່ ທີ່ຕັ້ງຢູ່ເມືອງບົວລະພາ ແຂວງຄຳມ່ວນ ເປັນແຫຼ່ງມໍລະດົກທາງທໍາມະຊາດຂອງລາວ ທີ່ມີຄວາມໂດດເດັ່ນທີ່ສຸດ ເຊິ່ງທາງກົມມໍລະດົກ, ກະຊວງຖະແຫຼງຂ່າວ ວັດ ທະນະທຳ ແລະ ທ່ອງທ່ຽວ ຄາດວ່າຈະສາມາດຮ່າງເອກະສານສະບັບສົມບູນໃຫ້ແລ້ວໃນປີ 2019 ແລະ ຈະຍື່ນສະເໜີຂໍຂຶ້ນທະບຽນເປັນມໍລະດົກໂລກຕໍ່ຢູເນັສໂກ( UNESCO) ໃນປີ 2020.
 |
| ປາກຖໍ້ານໍ້າລອດເຊບັງໄຟ ເຖິງເປັນຖໍ້ານໍ້າລອດທີ່ນອນໃນປ່າສະຫງວນແຫ່ງນີ້ |
ຫລ້າສຸດອີງຕາມການໃຫ້ສຳພາດຂອງທ່ານ ທອງໃບ ໂພທິສານ ຫົວໜ້າກົມມໍລະດົກ ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ຕໍ່ຫນັງສືພິມ ເສດຖະກິດ ການຄ້າ ໃຫ້ຮູ້ວ່າ: ວ່າ: ຈາກການທີ່ໄດ້ລົງໄປສຳຫຼວດສຶກສາຂໍ້ມູນຕົວຈິງຢູ່ປ່າສະຫງວນແຫ່ງຊາດຫີນໜາມໜໍ່ໃນໄລຍະຜ່ານມາ ຮ່ວມກັບບັນດາຊ່ຽວຊານພາກສ່ວນຕ່າງໆ ສາມາດເວົ້າໄດ້ວ່າ: ສະຖານທີ່ດັ່ງກ່າວແມ່ນເປັນແຫຼ່ງຊີວະນາໆພັນລະດັບໂລກທີ່ຫຼົງເຫຼືອຢູ່ໃນຂົງເຂດນີ້ ແລະ ຢູ່ໃນປະເທດລາວຂອງພວກເຮົາ ເຊິ່ງບໍ່ມີບ່ອນໃດຄື ນອກນີ້ຍັງມີສັດປ່າທີ່ບໍ່ເຄີຍເຫັນໃນໂລກນີ້ອາໄສຢູ່ ແລະ ສ່ຽງຕໍ່ການສູນພັນ. ພ້ອມດຽວກັນນັ້ນມີຖ້ຳນ້ຳລອດເຊບັ້ງໄຟທີ່ມີຄວາມຍາວເຖິງ 16 ກິໂລແມັດ ເຊິ່ງກຳລັງຢູ່ໃນໄລຍະບຸກເບີກໃຫ້ຄົງຄວາມເປັນທຳມະຊາດທີ່ສຸດ ແລະ ກໍເປັນສາຍນ້ຳທີ່ໄຫຼຜ່ານຖ້ຳ, ຜ່ານພູ, ຜ່ານເຫວທີ່ຍາວ ແລະ ສວຍງາມທີ່ສຸດໃນໂລກ.
ນັບແຕ່ປີ 1995 ເປັນຕົ້ນມາ ພູຫີນໜາມໜໍ່ ໄດ້ເຄີຍສະເໜີໃຫ້ເປັນປ່າສະຫງວນແຫ່ງຊາດມາແລ້ວ ເຊິ່ງສະຖານທີ່ດັ່ງກ່າວແມ່ນມີຄວາມຄ້າຍຄືກັນກັບແຫຼ່ງມໍລະດົກໂລກ ຟອງຍາ-ແກບັງ ຂອງຫວຽດ ນາມ ໂດຍທາງຫວຽດນາມເອງ ແລະ ສາກົນ ຕ່າງກໍຍອມຮັບວ່າ ປ່າສະຫງວນແຫ່ງຊາດຫີນໜາມໜໍ່ ມີຄວາມໂດດເດັ່ນກວ່າ ຟອງຍາ-ແກບັງ ຫຼາຍຢ່າງ ແຕ່ເນື່ອງຈາກວ່າເຮົາຍັງບໍ່ພ້ອມໃນຫຼາຍໆດ້ານ ຈຶ່ງເຮັດໃຫ້ ຫວຽດນາມສະເໜີເຂົ້າເປັນມໍລະດົກໂລກກ່ອນໃນປີ 2003.
ເຫດຜົນທີ່ບໍ່ພ້ອມໃນໄລຍະຜ່ານມາໃນການສະເໜີຊື່ປ່າສະຫງວນແຫ່ງຊາດຫີນໜາມໜໍ່ກໍເນື່ອງມາຈາກ ການເກັບກຳຂໍ້ມູນເພື່ອມາປະກອບໃນຄຳຮ້ອງນັ້ນບໍ່ທັນລະອຽດ, ການກຳນົດຂອບເຂດຂອງພື້ນທີ່ຍັງບໍ່ທັນຊັດເຈນເທື່ອ ໃນເມື່ອກຳນົດຂອບເຂດແລ້ວເຮົາກໍຈະບໍ່ແຕະຕ້ອງຫຍັງທັງໝົດທີ່ຈະສ້າງຜົນກະທົບທັງທາງກົງ ແລະ ທາງອ້ອມຕໍ່ກັບແຫຼ່ງມໍລະດົກໂລກ ບໍ່ວ່າຈະເປັນການຕັດໄມ້, ການລ່າສັດ, ການຮັກສາສິ່ງແວດລ້ອມ ແລະ ອື່ນໆ ທີ່ຍັງບໍ່ທັນພ້ອມໃນໄລຍະນັ້ນ.
 |
| ດ້ານໃນຂອງຖໍ້ານໍ້າລອດເຊບັ້ງໄຟ |
ປັດຈຸບັນ ແມ່ນຈຳເປັນຕ້ອງໄດ້ສະເໜີປ່າສະຫງວນແຫ່ງຊາດຫີນໜາມໜໍ່ເຂົ້າເປັນມໍລະດົກໂລກ ເພາະວ່າ ພື້ນທີ່ດັ່ງກ່າວມີຄວາມສ່ຽງຕໍ່ການຖືກບຸກລຸກທຳລາຍ, ຄ້າຂາຍສັດປ່າຜິດກົດໝາຍ, ການຕັດໄມ້ຜິດກົດໝາຍ ແລະ ການບຸກລຸກພື້ນທີ່ທຳມາຫາກິນຂອງປະຊາຊົນທີ່ອາໄສໃນບໍລິເວນນັ້ນ ເພາະຫາກວ່າໄດ້ເຂົ້າເປັນມໍລະດົກໂລກແລ້ວແມ່ນຈະແຕະຕ້ອງພື້ນທີ່ດັ່ງກ່າວນີ້ບໍ່ໄດ້ເດັດຂາດ.
ທ່ານ ທອງໃບ ໂພທິສານ ກ່າວຕື່ມວ່າ: ຕາມທັດສະນະຂອງຊ່ຽວຊານສາກົນແລ້ວ ຖ້າຫາກປ່າສະຫງວນແຫ່ງຊາດຫີນໜາມໜໍ່ ແລະ ຟອງຍາ-ແກບັງ ໄດ້ຖືກຮັບຮອງເປັນມໍລະດົກໂລກຮ່ວມຊາຍແດນນຳກັນຈະມີພື້ນທີ່ກວມລວມທັງໝົດກວ່າ 2 ແສນເຮັກຕາ (82 ພັນກວ່າເຮັກຕາສະເພາະພື້ນທີ່ຢູ່ຝັ່ງລາວ) ເຊິ່ງຈະກາຍເປັນອຸດທິຍານມໍລະດົກໂລກອີກແຫ່ງໜຶ່ງທີ່ກວ້າງໃຫຍ່ເປັນ “ອັນດັບ 1” ໃນຂົງເຂດອາຊີ-ປາຊີຟິກທີ່ມີຄຸນຄ່າໂດດເດັ່ນທາງຈັກກະວານທາງທຳມະຊາດທີ່ສວຍງາມອຸດົມສົມບູນໄປດ້ວຍປ່າໄມ້ເຂດຮ້ອນ, ມີສັດປ່າທີ່ຫາຍາກນາໆຊະນິດ ແລະ ຫຼາກຫຼາຍທາງຊີວະນານາພັນ.
 |
| ຄວາມງົດງາມຂອງຖໍ້ານໍ້າລອດເຊບັ້ງໄຟ |
“ພວກເຮົາສາມາດຢືນຢັນໄດ້ວ່າ: ເມື່ອເຮົາສະເໜີປ່າສະຫງວນແຫ່ງຊາດຫີນໜາມໜໍ່ຂຶ້ນເປັນມໍລະ ດົກໂລກຮ່ວມກັບ ຟອງຍາ-ແກບັງ ຈະໄດ້ຮັບການຮັບຮອງທັນທີ ເນື່ອງຈາກວ່າຫວຽດ ນາມພ້ອມຈະສະໜັບສະໜູນຢ່າງເຕັມທີ່ ເພາະມັນເປັນພື້ນທີ່ຊີວະນາໆພັນດຽວກັນ ແລະ ມີຊາຍແດນຮ່ວມກັນ”, ທ່ານ ທອງໃບ ກ່າວ.
ໃນຕົ້ນເດືອນ ມັງກອນ 2018 ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ລາວ) ແລະ ກະຊວງວັດທະນະທຳ ກິລາ ແລະ ທ່ອງທ່ຽວ (ຫວຽດນາມ) ກໍໄດ້ລົງນາມໃນບົດບັນທຶກຄວາມເຂົ້າໃຈ ທີ່ນະຄອນຫຼວງຮ່າໂນ້ຍ ປະເທດຫວຽດນາມ. ໂດຍຝ່າຍຫວຽດນາມຈະສະໜັບສະໜູນການສະເໜີຊື່ເອົາປ່າສະຫງວນແຫ່ງຊາດຫີນໜາມໜໍ່ ເຂົ້າເປັນມໍລະດົກໂລກຮ່ວມຊາຍແດນ ກັບອຸທິຍານແຫ່ງຊາດ ຟອງຍາ-ແກບັງ ໃນແຂວງກວາງບິ່ງ ທີ່ມີຊາຍແດນຕິດກັບປ່າສະຫງວນແຫ່ງຊາດຫີນໜາມໜໍ່ ແຂວງຄຳມ່ວນ ເຊິ່ງບົດບັນທຶກຄວາມເຂົ້າໃຈສະບັບດັ່ງກ່າວ
ແຫລ່ງທີ່ມາຈາກໜັງສືພິມເສດຖະກິດ ການຄ້າ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment