ປະເທດເພື່ອນບ້ານກຳລັງຜະເຊີນກັບບັນຫາໂລກໝາວໍ້ ຕອນນີ້ຕາຍໄປແລ້ວ 3 ຄົນລັດຖະບານປະກາດ 26 ຈັງຫວັດເປັນພື້ນທີ່ສ່ຽງໄພທີ່ຕ້ອງເຝົ້າລະວັງ ແລະເລັ່ງໃຫ້ເຈົ້າຂອງສັດສັກຢາວັກຊິນໃຫ້ສັດລ້ຽງໂຕເອງໂດຍດ່ວນທີ່ສຸດ ເພື່ອປ້ອງກັນການຕິດສູ່ຄົນ.
ໂດຍຂ່າວຂອງປະເທດໄທຫຼາຍສຳນັກໄດ້ຂ່າວວ່າ: ຜູ້ເສຍຊີວີດຍ້ອນໂລກໝາວໍ້ທັງ 3 ຄົນແມ່ນເກີດຂຶ້ນຢູ່ຈັງຫວັດ ຕຣັງ, ສົງຂາ ແລະສຸລິນ ຊຶ່ງເປັນບັນຫາທີ່ໜ້າເປັນຫ່ວງຈິ່ງເພີ່ມເຂດການເຝົ້າລະວັງຕື່ມ ພ້ອມດຽວກັນນີ້ລັດຖະບານໄດ້ມີມາດຕະການສັ່ງກວດກາເຂັ້ມງວດເປັນພິເສດ ໂດຍໃຫ້ເຈົ້າໜ້າທີ່ກ່ຽວຂ້ອງອອກສຳຫຼວດໝາ ແລະແມວທຸກໂຕຕ້ອງໃຫ້ໄດ້ຮັບການຊັກຢາກັນພະຍາດວໍ້ 100%.
ໃນເວລາດຽວກັນໃຫ້ສັ່ງກັກສັດທີ່ມີເຈົ້າຂອງຫ້າມເອົາອອກບໍລິເວນນອກຮົ້ວ ຍົກເວັ້ນແຕ່ກໍລະນີໄດ້ຮັບອະນຸຍາດຈາກເຈົ້າໜ້າທີ່ເທົ່ານັ້ນ. ກໍລະນີຫາກພົບສັດເປັນໂລກ ຫຼື ສົງໄສວ່າເປັນໂລກເຈົ້າໜ້າທີ່ແມ່ນມີອຳນາດໃນການທຳລາຍສັດທັນທີ.
ສຳລັບໂລກພິດໝາວໍ້ຖືເປັນໂລກຕິດຕໍ່ຮ້າຍແຮງຊະນິດໜຶ່ງ ຜູ້ທີ່ເປັນແລ້ວຈະມີອາການທາງປະສາດ ໂດຍສະເພາະແມ່ນປະສາດສ່ວນກາງ ຖ້າເປັນແລ້ວຈະເວຍຊີວິກທຸກລາຍ ຫາກຊັກຢາວັກຊີນປ້ອງກັນໂລກບໍ່ທັນ ທັ້ງນີ້ມີການຄາດການວ່າໃນແຕ່ລະປີທົ່ວໂລກຈະມີຜູ້ເສຍຊີວິດຈາກໂລກໝາວໍ້ຫຼາຍກວ່າ 60.000 ຄົນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment