ຄູໂບຕ້າໄດ້ຈັດຄອນເສີດໃຫຍ່ເປີດໂຕເຄື່ອງຈັກກາຊວນຄູໂບຕ້າ ລຸ່ນ ZT ໂດຍນຳສິລະປິນຊື່ດັງຫຼາຍຄົນ ຈາກປະເທດໄທ ແລະ ສປປ ລາວ ຂຶ້ນເວທີ ບໍ່ວ່າຈະເປັນລຳໄຍ ໄຫທອງຄຳ ແລະ ນັກຮ້ອງຊັ້ນນຳຈາກ ສປປ ລາວ ໄດ້ແກ່ ພິ້ງ ລັດສະຫມີ , ກິດາວເພັດ; ໂດຍມີກິນ້ອຍ ລາວສະຕາ ມາເຮັດໜ້າທີ່ເປັນພິທີກອນໃນງານ ພ້ອມຈັດເຕັມດ້ວຍຊຸ້ມກິດຈະກຳ ຫຼິ້ນເກມ ແລະ ແຈກຂອງລາງວັນຫຼາກຫຼາຍ ເມື່ອວັນອັງຄານຜ່ານມາ ທີ່ບ້ານເກິນ ເມືອງທຸລະຄົມ ແຂວງວຽງຈັນ ສປປລາວ.
ສຳລັບເຄື່ອງຈັກກາຊວນຄູໂບຕ້າ ລຸ່ນ ZT ທີ່ເປີດໂຕໃນຄັ້ງນີ້ມີໃຫ້ເລືອກຕັ້ງແຕ່ 10-15.5 ແຮງມາ ໃນລຸ້ນສະແຕນດາດ ແລະລຸ່ນໂປຣ ເພື່ອຕອບສະໜອງການໃຊ້ງານ ຍົກຈຸດເດັ່ນດ້ວຍຮູບລັກໃໝ່ ທີ່ມີຄວາມໂສບສ່ຽວ ທັນສະໄໝດ້ວຍຝາຄອບໂຄ້ງມົນ ລວມເຖິງການຕິດຕັ້ງໄຟໜ້າແບບ LED ແລະຊ່ອງບອກລະດັບທີ່ສາມາດກວດເຊັກລະດັບ ນໍ້າມັນໄດ້ແບບງ່າຍຂຶ້ນ ໂດຍບໍ່ຕ້ອງເປີດຝາຖັງນໍ້າມັນ ເພີ່ມຄວາມສະດວກສະບາຍ.ສະເພາະລຸ່ນໂປຣກັບຊ່ອງສຽບ USB ສຳຫຼັບສາກອຸປະກອນອີເລັກໂທນິກ ແລະ ໄຟລ້ຽວຊ້າຍ-ຂວາ.
ໃນສ່ວນຂອງຄຸນນະພາບການໃຊ້ງານ ດ້ວຍເທັກໂນໂລຊີສີເພາະຄູໂບຕ້າ K Tech ເຮັດໃຫ້ເຄື່ອງຈັກກາຊວນຄູໂບຕ້າແຮງທົນທານ ແລະ ປະຢັດນໍ້າມັນ ເຮັດວຽກໄດ້ຕໍ່ເນື່ອງ ຫຼຸດບັນຫາໝໍ້ນຳຮ້ອນ( Over Heat) ດ້ວຍລະບົບເຜົາໄໝ້ແບບDirect Injection ຫົວສີດແບບຫຼາຍຮູ ກະຈາຍລະອອງນໍ້າມັນເຂົ້າສູ່ຫ້ອງເຜົາໄໝ້ໄດ້ທົ່ວເຖິງ ເພີ່ມປະສິດທິພາບໃນການເຜົາໄໝ້ ຫຼຸດການສິ້ນເປືອງນໍ້າມັນ ເຮັດໃຫ້ມີອັດຕາການເປືອງນໍ້າມັນເຊື້ອໄຟຕໍ່າ ( ສະເພາະລຸ່ນທີ່ມີ Direct Injection ) ທັງນີ້ຊ່ວຍໃຫ້ຊາວກະສິກອນ ສປປລາວເຮົາໃຊ້ງານໄດ້ຫຼາກຫຼາຍ ທັງການກະສິກຳ ຂົນສົ່ງ ຫຼື ສູບນໍ້ າກໍ່ມີຄວາມຄ່ອງໂຕ ແຂງແຮງ ເຮັດວຽກໜັກໄດ້ຢ່າງຕໍ່ເນື່ອງ ແລະເພີ່ມຮອບໃນການເຮັດວຽກໄດ້ຫຼາຍຂຶ້ນ ແລະໝັ້ນໃຈຫຼາຍຂຶ້ນ ກັບບໍລິການຫຼັງການຂາຍ ແລະ ຮັບປະກັນຄຸນນະພາບສິນຄ້າດົນເຖິງ3ປີ
ດ້ານຄອນເສີດ ນອກຈາກຈະມີສິລະປິນ ມາໃຫ້ຄວາມເບີກບານມ່ວນຊື່ນແລ້ວ ຍັງມີຊຸ້ມກິດຈະກຳໃຫ້ຮ່ວມມ່ວນຊື່ນແຈກຂອງລາງວັນຫຼາກຫຼາຍ ໃຫ້ກັບຜູ້ທີ່ມາຮ່ວມງານ ເພື່ອເປັນການຂອບໃຈທີ່ໄວ້ວາງໃຈໃນເຄື່ອງຈັກກົນກະສິກຳ ຄູໂບຕ້າມາໂດຍຕະຫຼອດ ເອີ້ນໄດ້ວ່າເປັນງານທີ່ສ້າງຄວາມສຸກ ແລະ ຄວາມມ່ວນຊື່ນໄປພ້ອມໆ ກັບການນຳສະເໜີຜະລິດຕະພັນທີ່ດີມີຄຸນນະພາບໃຫ້ຊາວກະສິກອນ.
ທ່ານໃດສົນໃຈເຄື່ອງຈັກກາຊວນຄູໂບຕ້າ ສອບຖາມຂໍ້ມູນເພີ່ມຕື່ມໄດ້ທີ່ຮ້ານໂຕແທນຈຳໜ່າຍ ເຄື່ອງຈັກກາຊວນ ແລະ ລົດໄຖນາເດີນຕາມ ຄູໂບຕ້າໃກ້ບ້ານທ່ານຫຼື ໂທສາຍດ່ວນບໍລິການຄູໂບຕ້າ 021 417 474
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment