ເມື່ອເດີນ ໄປຮອດ ເມືອງປາກລາຍ ແຂວງໄຊຍະບູລີ ຢ່າລືມແວ່ຕາດຊ້າງແລະຕາດຈ່ານ ເຊິ່ງຖືເປັນແຫລ່ງທ່ອງທ່ຽວ ທາງທໍາມະຊາດ ທີ່ສວຍສົດງົດງາມ ອີກແຫ່ງໜຶ່ງ ທີ່ມີອາກາດສົດຊື່ນ ເໝາະແກ່ການພັກຜ່ອນຢ່ອນໃຈ ໃນຍາມວັນພັກ ທາງລັດ ຖະການ ໂດຍການໄປນັ່ງກິນລົມ ຊົມວິວສູບເອົາອາກາດສົດໆ, ກິ່ນຫອມ ຂອງດອກຄັດເຄົ້າ, ຟັງສຽງນົກ ໜູ ປູ ປີກຢ່າງສະອອນໃຈ. ພ້ອມນັ້ນ, ຍັງເໝາະກັບການ ຊຸມແຊວ ກິນເຂົ້າປ່າສາມັກຄີ ກັບຄອບຄົວ, ໝູ່ຄູ່ ຫລື ຄົນຮັກ.
ເມື່ອວັນທີ 14 ມີນາ 2018 ຜ່ານມານີ້ ທາງຄະນະນໍາເມືອງປາກລາຍ ແຂວງໄຊຍະບູລີ ນໍາພາໂດຍທ່ານ ບຸນລັບ ແສງອາພອນ ກໍາມະການພັກແຂວງ ເລາຂາພັກເມືອງ ເຈົ້າເມືອງໆປາກລາຍ ພ້ອມດ້ວຍຂະແໜງການທີ່ກຽ່ວຂ້ອງ ແລະ ອໍານາດການປົກຄອງບ້ານ,ນັກທຸລະກິດ ໄດ້ພ້ອມກັນລົງສໍາຫຼວດແຫຼ່ງທ່ອງທ່ຽວທໍາມະຊາດ ຕາດຊ້າງຕົກ ແລະຕາດ ຈ່ານ.
ຕາດແຫ່ງນີ້ ກໍາເນີດເກີດຂຶ້ນ ຢູ່ຕາມລໍາຫ້ວຍມີນໍ້າ ໄຫລຜ່ານຕະຫລອດປີ ມີ ອາກາດເຢັນສົດຊື່ນ ໂດຍສັງເກດເຫັນວ່າ ພໍ່ແມ່ປະຊາຊົນເຂົ້າໄປທ່ອງທ່ຽວເຂົ້າໄປທ່ຽວຊົມ ຫລາຍທີ່ສຸດແມ່ນຊ່ວງລະດູແລ້ງ ເພາະຊ່ວງດັ່ງກ່າວນໍ້າຈະໃສເຢັນ ສາມາດແນມເຫັນສັດນໍ້ານາໆ ຊະນິດໄດ້ດີ, ກະແສນໍ້າ ກໍຈະບໍ່ໄຫລແຮງ ເໝາະແກ່ການລົງ ໄປຫລິ້ນນໍ້າ ເພື່ອຜ່ອນຄາຍຄວາມອິດເມື່ອຍ. ຍິ່ງສໍາຄັນໄປກວ່ານັ້ນ ໃນບໍລິເວນອ້ອມຮອບຕາດ ແມ່ນຈະປົກຄຸມໄປດ້ວຍ ປ່າໄມ້ທີ່ຂຽວສົດງົດງາມ ມີຄວາມອຸດົມໄປດ້ວຍ ພືດພັນທັນຍາຫານ ພ້ອມທັງເປັນແຫລ່ງ ທໍາມາຫາກິນ ເພື່ອລ້ຽງ ຊີບ ໃນຊີວິດປະຈໍາວັນ ຂອງປະຊົນຢູ່່ແຖບນັ້ນນໍາອີກ.ຕາມການບອກເລົ່າ ໃນເມື່ອກ່ອນ ແມ່ນຊາວບ້ານໄດ້ພາກັນ ມາຫາກິນແລ້ວ ກໍໄດ້ພົບເຫັນ ໝູ່ນົກ ເຄົ້າມາເຮັດຮັງ ໃສ່ຕົ້ນໄມ້ໃຫຍ່ ເທິງຕາດຕົ້ນໜຶ່ງ ຢ່າງເປັນປົກກະຕິ ດັ່ງນັ້ນ ຊາວບ້ານຈິ່ງໄດ້ເອີ້ນ ຊື່ຕາດນີ້ວ່າ:ຕາດຊ້າງຕົກ ແລະ ຕາດຈ່ານຈົນມາຮອດປັດຈຸບັນນີ້.
ຕາດຊ້າງຕົກ ແລະ ຕາດຈ່ານ ແມ່ນຕັ້ງຢູ່ຂອບເຂດບ້ານນຄະຍາງ ຕິດກັບເຂດປ່າອະນຸລັກແຫງຊາດນາຄະຍາງ ຫ່າງຈາກເທດສະບານເມືອງປາກລາຍ ໄປທາງທິດເໜືອເສັ້ນທາງຫຼວງແຫ່ງຊາດR4ປະມານ50ກິໂລເມັດ ແລະ ຈາກເສັ້ນທາງຫຼວງແຫ່ງຊາດR4ຈຸດບ້ານນາຄະຍາງໄປຫາຕາດຈ່ານປະມານ 1,5 ກິໂລເມັດໄປທາງທິດຕາເວັນອອກ ແລະ ຕາດຈ່ານຫາຕາດຊ້າງຕົກປະມານ 500 ແມັດ ນ້ໍາຕົກຕາດຈ່ານແມ່ນເປັນຕາດທະລານຫີນ ອອ້ມດ້ວຍປ່າໄມ້ ແລະ ມີນ້ຳໄຫຼຕະຫຼອດປີ ມີຄວາມຍາວປະມານ50ແມັດ ແລະ ນໍ້າຕົກຕາດຊ້າງຕົ້ກມີຄວາມສູງປະມານ 7 ແມັດ.
ຈຸດປະສົງຂອງການລົງສໍາຫຼວດແຫຼ່ງທ່ອງທຽ່ວນໍ້າຕົກຕາດຊ້າງຕົກ ແລະ ຕາດຈ່ານໃນຄັ້ງນີ້ແມ່ນເພື່ອເປັນການຈະພັດທະນາເປັນແຫຼ່ງທ່ອງທຽ່ວຂອງເມືອງໃນອານາຄົດໂດຍຈະມອບໃຫ້ັກທຸລະກິດເປັນຜູ້ສຳປະທານໃນການພັດທະນາແຫລ່ງທ່ອງທ່ຽວແຫ່ງນີ້.
ແຫລ່ງທີ່ມາຈາກ Daopadith Sethatilath
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment