ຫ້ອງການຄຸ້ມຄອງແລະບໍລິການຕົວເມືອງວຽງຈັນ ໄດ້ສຸມໃສ່ ຈັດຕັ້ງປະຕິບັດ ຂະບວນການ ອະນາໄມ ແລະ ປະດັບປະດາ ຕົວເມືອງ ໂດຍມອບໝາຍໃຫ້ກອງທຳຄວາມສະອາດ ແລະ ປະດັບປະດາຕົວເມືອງ ເປັນເຈົ້າການ ໃນການເຮັດອະນາໄມ ເກັບມ້ຽນຂີ້ເຫຍື້ອ, ຕັດຫຍ້າ ຊ້ວນດິນຄູກາງທາງ ແລະ ບ່າທາງ ທັງສອງຟາກ ໂດຍນຳໃຊ້ ແຮງງານຄົນ ແລະ ກົນຈັກ ເຂົ້າຊ່ວຍ, ເຊິ່ງປັດຈຸບັນວຽກດັ່ງກ່າວປະຕິບັດຮອດ ໜ້າບໍລິສັດ CSC ຄອນກຣິດ.
ຫ້ອງການຄຸ້ມຄອງແລະບໍລິການຕົວເມືອງວຽງຈັນ ຮຽກຮ້ອງມາຍັງຜູ້ໃຊ້ລົດ ໃຊ້ຖະໜົນ ຖະໜົນ 450 ປີ ແຕ່ ໜ້າບໍລິສັດ CSC ຄອນກຣິດ ຫາ ສາມແຍກຫນ້າສາງທະນາແລ້ງ ແຕ່ເວລາ 08:00-16:00 ໂມງ ກະລຸນາແລ່ນຊ້າໆ ແລະ ໃຫ້ຄວາມສະດວກແກ່ພະນັກງານທີ່ປະຕິບັດໜ້າທີ່ດ້ວຍ.
ພ້ອມນີ້ ຂໍຮຽກຮ້ອງເຖິງ ຜູ້ທີ່ມັກເອົາຂີ້ເຫຍື້ອ ໄປລັກຖີ້ມ ຢູ່ແຄມທາງ ດັ່ງກ່າວ ຂໍໃຫ້ຢຸດພຶດຕິກຳ ຂີ້ຄ້ານມັກງ່າຍ ຂໍໃຫ້ເມດຕາ ສົງສານ ຄົນເກັບມ້ຽນຂີ້ເຫຍື້ອ ທີ່ເກີດຂຶ້ນ ຈາກຄວາມຂີ້ຄ້ານມັກງ່າຍຂອງທ່ານ.
ປັດຈຸບັນ ພວກເຮົາມີເຈົ້າໜ້າທີ່ ຕິດຕາມ ຖ້າພົບເຫັນ ຈະຖືກປັບໄໝ ຕາມລະບຽບການ ພ້ອມທັງ ເຜີຍໂສມໜ້າ ຂອງທ່ານໃຫ້ສັງຄົມໄດ້ເຫັນ, ດ້ວຍຄວາມນັບຖື ຫ້ອງການ ຄບຕ.
ແຫລ່ງທີ່ມາຈາກ: ຫ້ອງການຄຸ້ມຄອງແລະບໍລິການຕົວເມືອງວຽງຈັນ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment