ເກີດເຫດໄຟໄໝ້ເຮືອນປະຊາຊົນ ເຂດບ້ານຫັດສະດີ

ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ລາຍງານວ່າ: ວັນທີ 22/03/2018 ເວລາ 01:55ໂມງ ໜ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປລາວ ໄດ້ຮັບແຈ້ງຜ່ານເບີ1623 ວ່າມີໄຟໄໝ້ເຮືອນຫ້ອງແຖວ3ຊັ້ນ ຈຸດເກີດເຫດແມ່ນ ບ້ານຫັດສະດີ ເມືອງຈັນທະບູລີ ນະຄອນຫຼວງວຽງຈັນ.

ໝ່ວຍກູ້ໄພມູນນິທິ1623ອອກກວດສອບເຫດພົບວ່າເພີງໄດ້ລຸກລາມໄໝ້ຫ້ອງແຖວ3ຊັ້ນ2ຫ້ອງແລະລຸກລາມແຮງ ດັ່ງນັ້ນໜ່ວຍກູ້ໄພມູນນິທິ1623ໄດ້ສົມທົບກັບພະແນກສະກັດກັ້ນອັກຄີໄພນະຄອນຫຼວງຊ່ວຍກັນດັບໄຟ.

ປະຈຸບັນແມ່ນຄວບຄຸມເພີງໄດ້ສຳເລັດເປັນທີ່ຮຽບຮ້ອຍ ໂດຍໃຊ້ເວລາຄວມຄຸມເພີງປະມານ 10ນາທີ ຄວາມເສຍຫາຍແມ່ນ ຫ້ອງແຖວ3ຊັ້ນ2ຫ້ອງ.ສ່ວນສາເຫດແມ່ນມອບໃຫ້ທາງເຈົ້າຫນ້າທີ່ສືບສ່ວນສອບສ່ວນ