ໃນຕອນເຊົ້າຂອງວັນທີ 23 ມີນາ 2018 ນິີ້, ກົມໃຫຍ່ເຕັກ ນິກກອງທັບ, ໄດ້ຈັດພິທີປະກາດ ການເລື່ອນຊັ້ນໃຫ້ນາຍທະຫານ ທີ່ມີຜົນງານ, ຢູ່ທີ່ສະໂມສອນ ກົມໃຫຍ່ເຕັກນິກກອງທັບ, ໂດຍການເປັນປະທານຂອງທ່ານ ພົນ ຈັດຕະວາ ຄໍາພາ ສີພອນໄຊ, ກຳມະການຄະນະພັກກະຊວງ ປ້ອງກັນປະເທດ, ຮອງຫົວໜ້າ ກົມໃຫຍ່ເຕັກນິກກອງທັບ, ມີຄະ ນະພັກ-ຄະນະບັນຊາ ຈາກ 6 ກົມ, 3 ຫ້ອງ, ຄະນະພັກ-ຄະ ນະບັນຊາບັນດາກົມກອງຮາກຖານ ຕະຫຼອດຮອດນາຍ ແລະພົນທະຫານ ເຂົ້າຮ່ວມ.
ໃນພິທີດັ່ງກ່າວ ພັນໂທ ດວງ ດາລາ ສຸວັນໂນ ຮອງຫົວໜ້າ ຫ້ອງການເມືອງ ກົມໃຫຍ່ເຕັກ ນິກກອງທັບ, ໄດ້ຂຶ້ນອ່ານຂໍ້ຕົກ ລົງຂອງກະຊວງປ້ອງກັນປະ ເທດ, ວ່າດ້ວຍການເລື່ອນຊັ້ນ ແລະ ເລື່ອນທຽບຊັ້ນໃຫ້ນາຍ ທະຫານຢູ່ກົມໃຫຍ່ເຕັກນິກກອງ ທັບ, ອີງຕາມກົດໝາຍນາຍທະ ຫານກອງທັບປະຊາຊົນລາວ ໄດ້ລະບຸໄວ້ໃນໝວດ III ມາດ ຕາທີ 17 ແລະ 18 ວ່າດ້ວຍ ການເລື່ອນຊັ້ນ ແລະ ເລື່ອນ ທຽບຊັ້ນນາຍທະຫານ, ຜູ້ມີຜົນ ງານຈໍານວນ 46 ສະຫາຍ ຄື: ຊັ້ນຮ້ອຍເອກ ຂຶ້ນ ພັນຕີ ຈໍາ ນວນ 15 ສະຫາຍ, ຊັ້ນຮ້ອຍໂທ ຂຶ້ນ ຮ້ອຍເອກ ຈໍານວນ 25 ສະ ຫາຍ ແລະ ຊັ້ນຮ້ອຍຕີ ຂຶ້ນ ຮ້ອຍ ໂທ ຈໍານວນ 6 ສະຫາຍ.
ໃນໂອກາດດັ່ງກ່າວ ທ່ານ ພົນຈັດຕະວາ ຄໍາພາ ສີພອນໄຊ ໄດ້ມີຄຳເຫັນຕໍ່ຜູ້ທີ່ໄດ້ຮັບການ ເລື່ອນຊັ້ນໃໝ່, ຈົ່ງເປັນເຈົ້າການ ສ້າງວິໄສທັດໃນການພັດທະນາ ຕົນເອງ ແລະ ເປັນແບບຢ່າງ ນໍາໜ້າທີ່ດີໃນທຸກດ້ານໃຫ້ສົມ ຄູ່ກັບໜ້າທີ່ ແລະ ຄວາມໄວ້ ວາງໃຈຂອງຄະນະພັກ-ຄະນະ ບັນຊາຂັ້ນເທິງທີ່ໄດ້ມອບໝາຍ ໃຫ້, ການເລື່ອນຊັ້ນນາຍທະ ຫານຄັ້ງນີ້ເປັນການຢັ້ງຢືນເຖິງ ຜົນສຳເລັດດ້ານວຽກງານ ທັງ ເປັນການສັນລະເສີນຜົນງານ ແລະ ຄຸນງາມຄວາມດີຂອງ ນາຍທະຫານແຕ່ລະສະຫາຍທີ່ ອຸທິດປັນຍາ ຄວາມຮູ້ຄວາມສາ ມາດ ແລະ ເຫື່ອແຮງຂອງຕົນ ເຂົ້າໃນການປະຕິບັດໜ້າທີ່ຕາມ ຂອບເຂດຄວາມຮັບຜິດຊອບ ຂອງຕົນ.
ແຕ່ລະສະຫາຍຕ້ອງ ຍົກສູງຄວາມຮັບຜິດຊອບຕໍ່ໜ້າ ທີ່ການເມືອງຂອງຕົນໃຫ້ໜັກ ແໜ້ນ, ເຝິກຝົນຕົນເອງທາງ ດ້ານຄຸນທາດການເມືອງ, ຄຸນ ສົມບັດສິນທໍາປະຕິວັດ, ເປັນ ເຈົ້າການເສີມຂະຫຍາຍມູນເຊື້ອ ການນໍາພາຂອງພັກ, ສືບຕໍ່ເຝິກ ຝົນຫຼໍ່ຫຼອມຕົນເອງໃນທຸກດ້ານ ເພື່ອເປັນແບບຢ່າງທີ່ດີໃຫ້ກັບ ມະຫາຊົນ, ເຕົ້າໂຮມຄວາມສາ ມັກຄີເປັນປຶກແຜ່ນແໜ້ນໜາ ເພື່ອເຮັດສໍາເລັດສອງໜ້າທີ່ຍຸດ ທະສາດຂອງພັກຄື: ປົກປັກຮັກ ສາ ແລະ ສ້າງສາພັດທະນາປະ ເທດຊາດໃຫ້ຈະເລີນຮັ່ງມີເຂັ້ມ ແຂງ.
ແຫຼ່ງທີ່ມາຈາກhttp://www.kongthap.gov.la
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment