ພັກ-ລັດ ມີຄວາມເປັນຫ່ວງ ເປັນໃຍ, ມີຄວາມກະຕັນຍູຮູ້ບຸນ ຄຸນຕໍ່ຜົນງານ, ຄຸນງາມຄວາມ ດີໃນພາລະກິດປະຕິວັດປົດປ່ອຍ ຊາດ ກໍຄື ພາລະກິດປົກປັກຮັກ ສາ ແລະ ສ້າງສາພັດທະນາປະ ເທດຊາດຂອງ ທ່ານ ພົນໂທ ສະໝານ ວິຍະເກດ ອະດີດກຳ ມະການກົມການເມືອງສູນກາງ ພັກ, ອະດີດປະທານສະພາແຫ່ງ ຊາດ, ອະດີດຜູ້ຊີ້ນຳວຽກງານ ແນວຄິດທິດສະດີ ແລະ ວັດ ທະນະທຳ, ອະດີດຫົວໜ້າຄະ ນະຈັດຕັ້ງສູນກາງພັກ, ອະດີດ ລັດຖະມົນຕີກະຊວງສຶກສາທິ ການ,ອະດີດຮອງລັດຖະມົນຕີ ກະຊວງປ້ອງກັນປະເທດ ທັງເປັນຫົວໜ້າກົມໃຫຍ່ການເມືອງ ກອງທັບ ແລະ ເປັນພະນັກງານ ປະຕິວັດອາວຸໂສ ດ້ວຍຄວາມ ຊະລາຕາມອາຍຸສັງຂານສະ ຫາຍ ໄດ້ສິ້ນລົມຫາຍໃຈຈາກ ພວກເຮົາໄປ ໃນເວລາ 00 ໂມງ 24 ນາທີ ຂອງວັນທີ 22 ກໍລະ ກົດ 2017 ລວມອາຍຸຂອງສະ ຫາຍໄດ້ 89 ປີ.
ທ່າມກາງຄວາມຄິດຮອດຄິດ ເຖິງຫ່ວງຄຳນຶງຫາ ແລະ ຄວາມ ໂສກເສົ້າອາໄລອາວອນໃນຕອນ ບ່າຍ ວັນທີ 22 ມີນາ 2018, ທີ່ ສຸສານນັກຮົບປະຕິວັດແຫ່ງຊາດ (ຫລັກ24) ນະຄອນຫຼວງວຽງ ຈັນ, ການຈັດຕັ້ງສູນກາງພັກ, ລັດຖະບານ, ສະພາແຫ່ງຊາດ ກໍຄືກະຊວງປ້ອງກັນປະເທດ ແຫ່ງ ສປປ ລາວ ໄດ້ຈັດພິທີເຄື່ອນຍ້າຍ ອັດຖິ ສະຫາຍ ພົນໂທ ສະໝານວິຍະເກດ ຈາກທີ່ຕັ້ງເດີມເຂົ້າມາສະຖິດໄວ້ສຸສານນັກຮົບປະ ຕິວັດແຫ່ງຊາດຢ່າງສົມກຽດ. ໂດຍການໃຫ້ກຽດເຂົ້າຮ່ວມ ຂອງສະຫາຍ ບຸນຍັງ ວໍລະຈິດເລຂາທິການໃຫຍ່ຄະນະບໍລິ ຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ, ສະຫາຍ ນາງ ປານີ ຢາທໍ່ຕູ້ ກຳມະການກົມ ການເມືອງສູນກາງພັກ, ປະທານ
ສະພາແຫ່ງຊາດ, ສະຫາຍ ພົນໂທວິໄລ ຫລ້າຄຳຟອງ ເລຂາທິການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງ ທັບ, ມີບັນດາຜູ້ຕາງໜ້າຈາກອົງ ການຈັດຕັ້ງພັກ-ລັດ, ນາຍ ແລະ ພົນທະຫານ, ຄອບຄົວ, ຍາດພີ່ນ້ອງເພື່ອນມິດ ແລະ ພາກສ່ວນ ກ່ຽວຂ້ອງເຂົ້າຮ່ວມ.
ສະຫາຍ ພົນໂທ ວິໄລ ຫລ້າ ຄຳຟອງ ຕາງໜ້າໃຫ້ສູນກາງ ພັກ, ລັດຖະບານ, ສະພາແຫ່ງ ຊາດ ແລະ ກະຊວງປ້ອງກັນປະ ເທດ ແຫ່ງ ສປປ ລາວ ໄດ້ກ່າວ ສະດຸດີ ສະແດງຄວາມຮູ້ບຸນຄຸນ ຢ່າງເລິກເຊິ່ງເຖິງຜົນງານ, ຄຸນ ງາມຄວາມດີຂອງສະຫາຍ ພົນ ໂທ ສະໝານ ວິຍະເກດ ຕໍ່ພາລະ ກິດປົດປ່ອຍຊາດ ກໍຄືພາລະກິດ ປົກປັກຮັກສາ ແລະ ສ້າງສາພັດ ທະນາປະເທດຊາດຜົນງານ ການເຄື່ອນໄຫວຕະຫຼອດໄລຍະຕໍ່ສູ້ປົດປ່ອຍຊາດ ກໍຄືພາຍຫລັງ ສະຖາປະນາເປັນ ສປປ ລາວ ໄດ້ສະແດງເຖິງຄຸນສົມບັດສິນ ທຳປະຕິວັດອັນຜ່ອງໃສ ແລະ ຄວາມຮັກເຊື້ອແພງຊາດ ແລະ ຄວາມເສຍສະຫລະ ເພື່ອຜົນປະ ໂຫຍດສ່ວນລວມ, ດ້ວຍຄຸນສົມ ບັດສິນທຳປະຕິວັດ ແລະ ທັດສະ ນະຂອງພັກປະຕິວັດອັນຜ່ອງ ໃສດັ່ງກ່າວສະຫາຍຈຶ່ງໄດ້ຮັບ ຄວາມໄວ້ເນື້ອເຊື່ອໃຈ ແລະ ຄວາມເຄົາລົບຮັກ-ນັບຖືຈາກ ພະນັກງານ, ສະມາຊິກພັກ, ນັກຮົບ ແລະ ປະຊາຊົນບັນດາ ເຜົ່າຢ່າງກວ້າງຂວາງ ທັງໄດ້ຮັບ ການຍ້ອງຍໍຈາກ ພັກ-ລັດ ດ້ວຍ ຮູບການຍ້ອງຍໍຫຼາຍປະເພດທັງ ຈາກພາຍໃນ ແລະ ຕ່າງປະເທດ.
 |
| ພິທີສົ່ງສະການ ທ່ານ ພົນໂທ ສະໝານ ວິຍາເກດ ຕອນບ່າຍວັນທີ 25/7/16 ທີ່ເດີ່ນທາດຫຼວງ |
ທ່ານ ພົນໂທ ສະໝານ ວິຍະເກດ ເສຍຊິວິດໃນວັນທີ22/7/2016 ລວມອາຍຸ89 ປີ . ທ່ານ ເກີດເມື່ອວັນທີ 3 ມີນາ 1927 ທີ່ບ້ານດົງ, ເມືອງພິຈິດ, ແຂວງພິຈິດ ( ປະເທດໄທ ) ການເຄື່ອນໄຫວປະຕິວັດແຕ່ລະໄລຍະ ໂດຍຫຍໍ້ດັ່ງນີ້:
ທ່ານ ໄດ້ເຂົ້າຮ່ວມຂະບວນການຕໍ່ສູ້ກູ້ຊາດເລີ່ມຕັ້ງແຕ່ປີ 1945 ເປັນຕົ້ນມາ.
ປີ 1945-1948 ເປັນທະຫານອິດສະຫຼະ( ກູ້ຊາດ ) ເຄື່ອນໄຫວຢູ່ຕາມເຂດຊາຍແດນລາວ-ຫວຽດນາມ.
ປີ 1948 ເປັນຫົວໜ້າການເມືອງຂອງໝວດທະຫານລາວອິດສະຫຼະກອງຮ້ອຍໄຊຈັກກະພັດ ແຂວງຈໍາປາສັກ.
ປີ 1949 ໄດ້ເຂົ້າເປັນສະມາຊິກພັກກອມມູນິດອິນດູຈີນ
ປີ 1950-1954 ເປັນຮອງຫົວຫນ້າຫ້ອງການເມືອງທະຫານເຂດໃຕ້ລາວ ທີ່ແຂວງອັດຕະປື
ປີ 1954-1960 ເປັນນາຍພົນ, ຮັບຜິດຊອບພະແນກຈັດຕັ້ງຫ້ອງການການເມືອງກອງບັນຊາການສູງສຸດ ຂອງກອງທັບປົດປ່ອຍປະຊາຊົນລາວ.
ປີ 1960-1969 ເປັນເລຂາຄະນະພັກ ຮັບຜິດຊອບການເມືອງກອງບັນຊາການທະຫານແຂວງຊຽງຂວາງ
ປີ 1970-1973 ເປັນເລຂາຄະນະພັກ ທັງເປັນຫົວໜ້າກອງບັນຊາການທະຫານເຂດໃຕ້ລາວ.
ໃນເດືອນ 2 ປີ 1972 ກອງປະຊຸມໃຫຍ່ຄັ້ງທີ 2 ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການຄະນະບໍລິຫານງານສູນກາງພັກ.
 |
| ພິທີສົ່ງສະການ ທ່ານ ພົນໂທ ສະໝານ ວິຍາເກດ ຕອນບ່າຍວັນທີ 25/7/16 ທີ່ເດີ່ນທາດຫຼວງ |
ປີ 1973-1975 ເປັນຫົວໜ້າຫ້ອງການເມືອງກອງບັນຊາການທະຫານສູງສຸດກອງທັບປົດປ່ອຍປະຊາຊົນລາວ.
ປີ 1975-1981 ເປັນຮອງລັດຖະມົນຕີ ກະຊວງປ້ອງກັນປະເທດ ທັງຖືກແຕ່ງຕັ້ງເປັນຫົວໜ້າກົມໃຫຍ່ການເມືອງກອງທັບປະຊາຊົນ ປະຕິວັດລາວ. ໄດ້ຮັບການປະດັບຊັ້ນເປັນພົນໂທຂອງກອງທັບປະຊາຊົນລາວ.
ປີ 1982-1986 ໃນກອງປະຊຸມໃຫຍ່ຄັ້ງທີ III ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການຄະນະບໍລິຫານງານສູນກາງພັກ, ໄດ້ຖືກເລືອກຕັ້ງເປັນເລຂາທິການສູນກາງພັກ ທັງເປັນຫົວໜ້າຄະນະຈັດຕັ້ງສູນກາງພັກ.
ປີ 1986-1988 ໃນກອງປະຊຸມຄັ້ງທີ IV ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການກົມການເມືອງສູນກາງພັກ ເປັນເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ.
ປີ 1988-1991 ເປັນລັດຖະມົນຕີ ກະຊວງສຶກສາທິການ
ປີ 1991 ໃນກອງປະຊຸມໃຫຍ່ຄັ້ງທີ V ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການກົມການເມືອງສູນກາງພັກ ທັງເປັນລັດຖະມົນຕີກະຊວງສຶກສາທະການ.
ປີ 1992 ໄດ້ຖືກເລືອກຕັ້ງເປັນປະທານສະພາແຫ່ງຊາດ ຊຸດທີ III
ປີ 1996 ໃນກອງປະຊຸມໃຫຍ່ຄັ້ງທີ VI ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການກົມການເມືອງສູນກາງພັກ.
 |
| ພິທີສົ່ງສະການ ທ່ານ ພົນໂທ ສະໝານ ວິຍາເກດ ຕອນບ່າຍວັນທີ 25/7/16 ທີ່ເດີ່ນທາດຫຼວງ |
ປີ 1997 ໄດ້ຖືກເລືອກຕັ້ງເປັນປະທານສະພາແຫ່ງຊາດ ຊຸດທີ IV
ປີ 2001 ໃນກອງປະຊຸມໃຫຍ່ຄັ້ງທີ VIII ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກໍາມະການກົມການເມືອງສູນກາງພັັກ.
ປີ 2002 ໄດ້ຖືກເລືອກຕັ້ງເປັນປະທານສະພາແຫ່ງຊາດ ຊຸດທີ V
ປີ 2006 ໃນກອງປະຊຸມໃຫຍ່ຄັ້ງທີ VII ຂອງພັກປະຊາຊົນປະຕິວັດລາວ ໄດ້ຖືກເລືອກຕັ້ງເປັນກົມການເມືອງສູນກາງພັກ. ຮັບຜິດຊອບເປັນຫົວໜ້າຄະນະຊີ້ນໍາວຽກງານແນວຄິດ, ທິດສະດີ, ວັດທະນະທໍາສູນກາງພັກ. ຮັບຜິດຊອບເປັນຫົວໜ້າຄະນະຊີ້ນໍາວຽກງານຮຽບຮຽງປະຫວັດສາດສາຍພົວພັນພິເສດລາວ-ຫວຽດນາມ ຮ່ວມສໍາພັນສູ້ຮົບແຕ່ປີ 1930-2007.
ປີ 2006-2011 ໄດ້ຖືກເລືອກຕັ້ງເປັນຫົວໜ້າໂຄສະນາອົບຮົມສູນກາງພັກ. •
ປີ 2011 ຍ້ອນສຸຂະພາບ ແລະ ອາຍຸກະສຽນສູງ ຈຶ່ງສະໝັກຂໍລາພັກ. ມາເຖິງວັນທີ 22ກໍລະກົດ ປີ 2016 ທ່ານຈິ່ງໄດ້ເຖິງແກ່ມໍລະນະກຳ ດ້ວຍໂລກຊະລາ ລວມອາຍຸ 89ປີ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment