ວັນທີ 23 ມີນາ 2018 ເວລາ 15:30 ນາທີ ໜ່ວຍກູ້ໄພເມືອງເກດໄດ້ຮັບແຈ້ງຈາກສູນສັ່ງການ 1669 ຮ້ອຍເອັດ ວ່າ ມີອຸບັດຕິເຫດລົດໃຫຍ່ເສຍຫຼັກປິ້ນລົງຂ້າງທາງຕໍ່ໜ້າມະຫາວິທະຍາໄລອາຊີບ ກະເສດວິໄສ ຈັງຫວັດ ຮ້ອຍເອັດຂອງປະເທດໄທ ມີຜູ້ປະສົບເຫດໄດ້ຮັບບາດເຈັບສາຫັດ ໜ່ວຍກູ້ໄພເມືອງເກດ ຈຶ່ງໄດ້ປະສານງານຫາທີມກູ້ໄພ ໂຮງຫມໍກະເສດວິໄສ ຈັງຫວັດຮ້ອຍເອັດ ອອກໄປຈຸດເກີດເຫດ.
ພໍໄປເຖິງຈຸດເກີດເຫດພົບລົດປິ້ນຕະແຂງຂ້າງຢູ່ ເຊິ່ງນ້ອງອາສາສະໝັກກູ້ໄພເມືອງເກດຈຳບໍ່ໄດ້ວ່າ ເປັນລົດຂອງພໍ່ ຈິ່ງຟ້າວລົງໄປເບິ່ງ ສິ່ງທີ່ພົບໃນລົດນັ້ນແມ່ນ ພໍ່ຂອງອາສາໄດ້ເສຍຊີວິດຄາທີ ຜູ້ເປັນລູກເຖິງກັບຫົວເຂົາອ່ອນລົງກັບພຶ້ນ ຮ້ອງໄຫ້ພ້ອມກັບນົບຕີນພໍ່ເປັນຄັ້ງສຸດທ້າຍ ຫຼາຍຄົນທີ່ຢູ່ໃນເຫດການຕ່າງກໍ່ຫົດຫູ່ໃຈກັບເຫດການທີ່ພົບເຫັນ
ສ່ວນຜູ້ເປັນນ້ອງອາຍຸ 8 ປີ ທີ່ມາກັບພໍ່ແມ່ນໄດ້ຮັບບາດເຈັບເລັກໜ້ອຍ ແລະ ໄດ້ນຳສົ່ງໂຮງໝໍຢ່າງປອດໄພ. ຖ້າຫາກຂາດສະຕິໃນການຂັບຂີ່ ບໍ່ວ່າແຕ່ໃຜກໍ່ມີໂອກາດເກີດອຸບັດຕິເຫດໄດ້ ແລະ ຈະມີສິ່ງທີ່ສູນເສຍເກີດຂຶ້ນຕາມມາ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment