ການຕັ້ງໄຟອຳນາດຂຶ້ນມາກໍ່ເພາະວ່າຢາກໃຫ້ການສັນຈອນມີຄວາມເປັນລະບຽບ ໄປຕາມລະບົບທີ່ກຳນົດໃຫ້ ທຸກຄົນໄດ້ໄປຢ່າງສະເໝີພາບ ແລະທີ່ສຳຄັນປາສະຈາກການເກີດອຸປະຕິເຫດທີ່ຈະກະທົບຕໍ່ໍຊີວິດ ແລະຊັບສິນຂອງແຕ່ລະຄົນ ຜູ້ໃຊ້ລົດໃຊ້ຖະໜົນທັງໝົດ ແຕ່ເບິ່ງໂດຍລວມແລ້ວໃນນະຄອນຫຼວງວຽງຈັນ ຄົນບໍ່ຄ່ອຍປະຕິບັດກົດລະບຽບຈະລາຈອນ ມີໄຟອຳນາດກໍ່ພາກັນແລ່ນມົ່ວໂດຍສະເພາະໃນຊົ່ວໂມງເລັ່ງດ່ວນ.
ດັ່ງເຫດການທີ່ເກີດຂຶ້ນໃນຕອນແລງຂອງວັນທີ 14 ມີນາ 2017 ນີ້ທີ່ໄຟແດງທາດຫຼວງ ຫຼື ເອີ້ນກັນວ່າໄຟແດງໜອງບອນ ມີຄົນບັນທຶກເຫດການ ການສັນຈອນທີ່ແສນສັບສົນໄວ້ໄດ້ ບໍ່ຈັກໄຟແດງໄຟຂຽວແລ່ນກັນສົນລະວົນ ເອົາແຕ່ຜູ້ໃດແຊງໄດ້ ຊຶ່ງເຫດການແບບນີ້ບໍ່ໄດ້ເກີດຂຶ້ນສະເພາະແຕ່ບ່ອນດຽວນີ້ເທົ່ານັ້ນ ແຕ່ທົ່ວທຸກບ່ອນເປັນໝົດ ບ່ອນທີ່ມີໄຟອຳນາດທີ່ຜູ້ຂັບລົດຈຳນວນໜຶ່ງເຄົາລົບກົດຈະລາຈອນກໍ່ເຮັດໃຫ້ອີກຈຳນວນໜຶ່ງລ່ວງກັນໄປເປັນຊ່ວງໆ.
ນະຄອນຫຼວງວຽງຈັນນັບວ່າເປັນສູນກາງດ້ານເສດຖະກິດ, ການສຶກສາ ຄົນທີ່ອາໄສຢູ່ສ່ວນໃຫຍ່ກໍ່ມີການສຶກສາ ແລະມີຖານະຂ້ອນຂ້າງດີ ດັ່ງນັ້ນຄວນແກ່ການເປັນແບບຢ່າງໃຫ້ກັບແຂວງອ້ອມຂ້າງຈະເປັນການດີທີ່ສຸດ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment