ຊົມເຊີຍເຫຼົ່າຄົນບັນເທິງຮ່ວມໃຈເຮັດວຽກເພື່ອການກຸສົນ

ວັນທີ 10 ມີນາ2018 ທີ່ຜ່ານມາ ທີມງານອາສາສະໝັກໃຈຮ່ວມໃຈ ສິນລະປິນຈາກນະຄອນຫຼວງວຽງຈັນ ຮ່ວມກັນກັບ ສຳນັກງານປົກຄອງເມືອງຫົງສາ ແລະ ຫ້ອງການສືກສາ ແລະ ກິລາ ເມືອງຫົງສາ ແຂວງໄຊຍະບູລີ ໄດ້ຮ່ວມກັນຈັດກິດຈະກຳງານການກຸສົນ ເພື່ອການສຶກສາຢູ່ສະໜາມກິລາ ເມືອງຫົງສາ ເພື່ອລະດົມທຶນນຳໄປສ້າງຫ້ອງໂຮງຮຽນ ມ ຕົ້ນ ໃຫ້ແກ່ບ້ານປາກຫ້ວຍຍາງ ເມືອງຫົງສາແຂວງໄຊຍະບູລີ.

ເປັນປະທານຂື້ນກ່າວເປີດງານໂດຍ ທ່ານ ຄຳເພັດ ພົມມະລາດ ເຈົ້າເມືອງ ເມືອງຫົງສາ ພາຍໃນງານມີກິດຈະກຳຫລາຍຢ່າງເຊັ່ນ: - ການແຂ່ງຂັນ Futsal ເພື່ອການກຸສົນ - ສາຍໜັງການແຈ້ງ ເລື່ອງ: ຄູຂອງຂ້ອຍ - ສິນລະປະຟ້ອນລຳ ຈາກນ້ອງໆ ໂຮງຮຽນ ມສ ຫົງສາ - ເດີນແບບຊຸດ ຂີ້ເຫຍື້ອ (Recycle) ຈາກນ້ອງໆ ໂຮງຮຽນ ມສ ຫົງສາ - ເດິນແບບ ຊຸດເສື້ອຜ້ານາຍແບບຈາກຮ້ານ ຄຳເພົ້າ, ເສື້້ອຜ້ານາງແບບຈາກ ຮ້ານ ເອກໂພໄຊ ຜ້າໄໝ ສາຂາ2 ແລະ ຮ້ານສຸດທິດາຜ້າໄໜ ຈາກກອງທັບສິນລະປິນນັກສະແດງ, ນາງງາມຈາກ First Modeling ແລະ ສິນລະປິນທີ່ມີຊື່ສຽງຈາກນະຄອນຫຼວງວຽງຈັນ ຂົນກັນໄປສ້າງຄວາມບັນເທີງໃຫ້ປະຊາຊົນຊາວເມືອງຫົງສາເກືອບ 30 ຊີວິດ -ແຕ່ງໜ້າໂດຍ: A Maitee Kvz.

ລວມຍອດເງິນບໍລິຈາກຈາກກິດຈະກຳໃນຄັ້ງນີ້ແມ່ນ 26.235.000 ກີບ ເງິນບໍລິຈາກດັ່ງກ່າວທາງ ສຳນັກງານປົກຄອງເມືອງຫົງສາ ແລະ ອາສາສະໝັກ ໃຈຮ່ວມໃຈ ກໍ່ຈະເກັບສະສົມໄວ້ເປັນກອງທຶນກາງ ຂອງການເຮັດກິດຈະກຳລະດົມທຶນຄັ້ງທຳອີດ ທາງທີມງານຈະຮັບບໍລິຈາກໄປເລື່ອຍໆ ຕອນນີ້ຍັງບໍ່ມີກຳນົດ ທ່ານໃດຢາກປະກອບສ່ວນຊ່ວຍສັງຄົມຮ່ວມກັບທີມງານອາສາສະໝັກໃຈຮ່ວມໃຈ ທ່ານສາມາດຮ່ວມແບ່ງປັນເລັກໆ ນ້ອຍໆ ກັບທີມອາສາສະໝັກໃຈຮ່ວມໃຈພວກເຮົາໄດ້ ຜ່ານເລກບັນຊີທາງທະນາຄານການຄ້າຕ່າງປະເທດມະຫາຊົນ ຊື່ບັນຊີ: Hand in Hand Volunteer Team ເລກບັນຊີ.: 0101-20000-2771-08001 ສະກຸນເງິນ: LAK (Lao KIP).

ຂໍ້ມູນເພີ່ມຕື່ມສອບຖາມໄດ້ໂດຍກົງທີ່: ທີມງານອາສາສະໝັກໃຈຮ່ວມໃຈ 020 5551 7930, 020 5556 2356 ຫລື ທ່ານຕິດຕາມຂ່າວສານຂໍ້ມູນອັບເດດ ກິດຈະກຳຕ່າງໆ ຂອງທີມງານອາສາສະໝັກ ໃຈຮ່ວມໃຈ ໄດ້ ທາງ Fan page: Hand in Hand ແລະ Group page: Hand in Hand ໃຈຮ່ວມໃຈ Photo credit: Simon Cote and Neung Liverpooll #ອາສາສະໝັກໃຈຮ່ວມໃຈ #once #firstmodeling #ຄຳເພົ້າສັ່ງໄດ້ #ໃຈຮ່ວມໃຈ