ມີຜູ້ໃຊ້ລົດໃຊ້ຖະໜົນທ່ານໜຶ່ງຢູ່ຕ່າງປະເທດ ຖ່າຍຄຣິບເຫດການສຸດສຽວແອນ້ອຍໄວກຳລັງຄານ ຄານອອກມາກາງຖະໜົນໃຫຍ່ ບໍ່ຮູ້ພໍ່ແມ່ເພີ່ນຄາເຮັດຫຍັງລືມເບິ່ງລູກອອກ ແຕ່ເຮືອນໄປເມື່ອໃດ ໄຄແຕ່ຜູ້ຂັບລົດເຫັນກ່ອນ ແລະຜ່ອນຈອດລົດລົງໄປເບິ່ງ ບໍ່ດັ່ງນັ້ນພໍ່ແມ່ຈະເຫັນລູກໃນສະພາບໃດບໍ່ຢາກນຶກສະພາບ.
ເຫດການນີ້ໃຫ້ພໍ່ແມ່ທີ່ມີເຮືອນຢູ່ໃກ້ທາງໃຫຍ່ ຫຼື ຢູ່ໃສກໍ່ຕາມເກັບໄປເຕືອນສະຕິໂຕເອງ ຢ່າເຜີຕົວຫຼາຍເກີນໄປຈັກໜ້ອຍຊິເສຍລູກ ແລະເສຍໃຈສຸດໆໃນພາຍຫຼັງ ຫາກຄາວຽກຢູ່ກໍ່ຄວນໃຫ້ລູກຢູ່ບ່ອນທີ່ບໍ່ສາມາດເຄື່ອນຕົວໄປໃສໄກ ຕົວຢ່າງນັ່ງຢູ່ລໍ້ແລ້ວເອົາເຊືອກມັດໄວ້ ຫຼື ໃຫ້ນັ່ງຢູ່ບ່ອນໃດກໍ່ໄດ້ທີ່ລູກບໍ່ສາມາດຄານອອກໄປທາງນອກທີ່ມີຄວາມສ່ຽງໄພຮອບດ້ານດັ່ງຄຣີບວີດິໂອທີ່ເຫັນນີ້.
ພຽງເຫັນຄຣິບແອັດກໍ່ຂົນໜາວລຸກໄປໝົດຕົວບໍ່ຢາກໃຫ້ເຫດການແບບນີ້ເກີດຂຶ້ນຢູ່ບ້ານເຮົາ, ແຕ່ຜ່ານມາກໍ່ມີບາງກໍລະນີທີ່ເກີດຂຶ້ນຍ້ອນເດັກນ້ອຍບໍ່ຮູ້ຈັກຫຍັງມັກໄປນັ່ງຫຼິ້ນຢູ່ກ້ອງລົດ ຫຼື ແລ່ນອອກໄປເວລາລົດກຳລັງເຄື່ອນຕົວເຮັດໃຫ້ພໍ່ແມ່ຕ້ອງສູນເສຍລູກທີ່ຮັກກວ່າແກ້ວຕາດວງໃຈໄປຢ່າງບໍ່ມີວັນກັບຄືນມາ ສະນັ້ນຂໍຝາກເປັນອຸທະຫອນພໍ່ແມ່ທຸກຄົນໃຫ້ເບິ່ງແຍງລູກນ້ອຍຢ່າງໃກ້ສິດ!!!!
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment