ເຈົ້າໜ້າທີ່ກອງບັນຊາການ ປກສ ນະຄອນຫຼວງວຽງຈັນແຈ້ງໃຫ້ຮູ້ວ່າ ໃນປະຈຸບັນນີ້ ມີລົດຈັກ 62 ຄັນຄ້າງຢູ່ສາງບໍ່ເຫັນເຈົ້າຂອງໄປເອົາຈິ່ງແຈ້ງຫາພໍ່ແມ່ປະຊາຊົນ ຜູ້ຊຶ່ງເປັນເຈົ້າຂອງຈົ່ງຮີບຮ້ອນໄປພົບພັນເອົາໃນທຸກໂມງລັດຖະການ.
ລົດຈຳນວນດັ່ງກ່າວແມ່ນເຈົ້າໜ້າທີ່ສະເພາະກິດແກ້ໄຂປະກົດການຫຍໍ້ທໍ້ຂອງກອງບັນຊາການ ປກສ ນະຄອນຫຼວງວຽງຈັນ ໄດ້ກວດພົບໃນລະຫວ່າງທີ່ອອກເຄື່ອນວຽກງານ ໃນນັ້ນມີລົດຫຼາຍແບບເປັນຕົ້ນ ລົດດັດແປງສະພາບເຕັກນິກ, ລົດບໍ່ມີເອກະສານ ເວລາເຈົ້າໜ້າທີ່ກວດພົບໄດ້ພາກັນຖີ້ມລົດ ແລະເອົາຕົວຫຼົບໜີ ຈິ່ງໄດ້ເອົາມາໄວ້ ມາຮອດປະຈຸບັນຍັງບໍ່ທັນມີເຈົ້າຂອງມາພົວພັນເອົາ.
ລົດ 62 ຄັນນີ້ມີເວັບຈີນ 31 ຄັນ, ຮອນດ້າເວັບ 20 ຄັນ ນອກນັ້ນກໍ່ແມ່ນລົດຈັກໂຄລາວ ແລະອື່ນໆ ໃນຈຳນວນນີ້ ມີ 25 ຄັນບໍ່ມີປ້າຍ, 29 ຄັນແມ່ນເລກຖັງຖືກລືບໝົດແລ້ວ ແລະເກືອບ 20 ຄັນເລກຈັກຖືກລືບເຊັ່ນດຽວກັນ ຈິ່ງຍາກຕໍ່ການຕາມຫາເຈົ້າຂອງທີ່ແທ້ຈິງ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment