ໃນຕອນເຊົ້າ ວັນທີ 23 ມີນາ 2018 ທີ່ຜ່ານມານີ້ ທາງໜ່ວຍພັກພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງຜົ້ງສາລີ ໄດ້ມີພິທີປະກາດຍຸບໜ່ວຍພັກລັດວິສາຫະກິດ ໄປສະນີລາວ ສາຂາແຂວງ ຜົ້ງສາລີ ໂດຍໃຫ້ກຽດເຂົ້າຮ່ວມ ແລະ ເປັນປະທານຂອງສະຫາຍ ເພັງ ເຈັ່ນຕະພູມ ຄະນະພັກ ຄະນະກວດກາແຂວງ ມີແຂກຖືກເຊີນຈາກຄະນະຈັດຕັ້ງແຂວງ,ຄະນະກວດກາແຂວງ, ມີບັນດາບັນດາສະຫາຍເລຂາໜ່ວຍພັກ,ຄະນະພັກ, ສະມາຊິກພັກພາຍໃນໜ່ວຍພັກພະແນກ ປທສ ແລະ ບໍລິສັດລັດວິສາຫະກິດ ໄປສະນີລາວ ສາຂາແຂວງ ເຂົ້າຮ່ວມຢ່າງພ້ອມພຽງ.
ເຊິ່ງໃນພິທີແມ່ນໄດ້ຮັບຟັງການຜ່ານບົດສະຫຼູບຂອງ ສະຫາຍ ສົມທອງ ສີພູວົງ ເລຂາໜ່ວຍພັກລັດວິສາຫະກິດ ໄປສະນີລາວ ສາຂາແຂວງ ໃນການຊີ້ນຳ-ນຳພາຂອງໜ່ວຍພັກຕະຫຼອດໄລຍະເວລາທີ່ຜ່ານມາ.
ຈາກນັ້ນ; ຄະນະຈັດຕັ້ງແຂວງ ກໍ່ໄດ້ຜ່ານມະຕິຕົກລົງຂອງຄະນະປະຈຳພັກແຂວງ ສະບັບເລກທີ 115/ຄພຂ.ຜລ, ລົງວັນທີ 7 ມີນາ 2018ວ່າດ້ວຍການອະນຸມັດຍຸບໜ່ວຍພັກລັດວິສາຫະກິດ ໄປສະນີລາວ ສາຂາແຂວງ ໃຫ້ມາຂື້ນກັບໜ່ວຍພັກພະແນກ ປທສ ແຂວງ ຈຳນວນ 5 ສະຫາຍ.
ໃນນີ້ມີສະມາຊິກພັກສົມບູນ 4 ຍິງ 2 ສະຫາຍ ແລະ ສຳຮອງ 1 ສະຫາຍ, ຍິງ 0 ສະຫາຍ,ຄື: 1. ສະຫາຍ ສົມທອງ ສີພູວົງ (ສະມາຊິກພັກສົມບູນ), 2. ສະຫາຍ ນາງ ຈັນ ສານ (ສະມາຊິກພັກສົມບູນ), 3. ສະຫາຍ ນາງ ສອນສະລີນ ເສັດໄຊຍະຫຼ້າ (ສະມາຊິກພັກສົມບູນ), 4. ສະຫາຍ ຄຳສຸກ ມາລາວົງ (ສະມາຊິກພັກສົມບູນ), 5 ສະຫາຍ ພອນໄຊ ເຫຼັກ (ສະມາຊິກພັກສຳຮອງ) ມາເຄື່ອນໄຫວຮ່ວມຊີວິດຢູ່ໜ່ວຍພັກພະແນກ ປທສ ແຂວງ.
ການຍຸບໃນທີ່ນີ້ບໍ່ແມ່ນຍຸບບໍ່ໃຫ້ມີເລີຍ ພຽງແຕ່ເປັນການໂຮມເຂົ້າກັນລະຫວ່າງໜ່ວຍພັກໄປສະນີ ໄປຂຶ້ນກັບໜ່ວຍພັກພະແນກໄປສະນີໂທລະຄົມມະນາຄົມ ແລະການສື່ສານ ຊຶ່ງເປັນອັນດຽວກັນຢູ່ແລ້ວ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment