ຜູ້ຊາຍທັງຫຼາຍຄົງຍັງບໍ່ຮູ້ ເພາະເຫັນມາຕະຫຼອດຜູ້ເປັນຜົວເວລາບໍ່ພໍໃຈອັນໃດອັນໜຶ່ງມັກອ້າງວ່າຂ້ອຍແຕ່ງງານກັບເຈົ້າແລ້ວ ໄດ້ເສຍເງິນເສຍຄຳ ໃຫ້ພໍ່ແມ່ເຈົ້າບັກຫຼາຍໆຂ້ອຍຈະເຮັດຫຍັງໃຫ້ເຈົ້າກໍ່ໄດ້ ຄວາມຄິດແບບນີ້ແມ່ນຜິດແລ້ວ ເພາະການແຕ່ງດອງໝາຍເຖິງການມາຢູ່ຮ່ວມກັນເພື່ອພ້ອມກັນສ້າງສາຄອບຄົວ ເປັນການສະແດງຄວາມເປັນເຈົ້າຂອງໃນແງ່ຂອງສັງຄົມຄືບໍ່ອະນຸຍາດໃຫ້ໄປຄົບກັບຄົນອື່ນແບບຊູ້ສາວອີກ ແຕ່ບໍ່ໄດ້ໝາຍຄວາມວ່າເຮົາມີສິດໃນທຸກສ່ວນຂອງຊີວິດເຂົາ ລວມທັງການມີເພດສຳພັນກໍ່ເຊັ່ນດຽວກັນ.
ເພື່ອເປັນຄວາມຮູ້ໃຫ້ກັບບັນດາຄູ່ຜົວເມຍທັງຫຼາຍມື້ນີ້ແອັດມິນໂປ່ງໄດ້ນຳເອົາກົດໝາຍອາຍາມາດຕາທີ 250 ວ່າດ້ວຍການບັງຄັບຮ່ວມເພດກັບເມຍ ມາຝາກທ່ານຜູ້ອ່ານ.
ໃນກົດໝາຍໄດ້ລຸບຸໄວ້ວ່າ: ບຸກຄົນໃດຫາກໄດ້ຮ່ວມເພດກັບເມຍຕົນເອງດ້ວຍການໃຊ້ກຳລັງ, ບັງຄັບ, ຂົ່ມຂູ່ ຊຶ່ງຝືນໃຈຜູ້ເປັນເມຍ ຫຼື ໃນເວລາທີ່ເມຍຢູ່ໃນສະພາບບໍ່ພ້ອມທີ່ຈະມີເພດສຳພັນ ແມ່ນຈະຖືກລົງໂທດຕັດອິດສາລະພາບແຕ່ 3 ເດືອນຫາ 1 ປີ ຫຼື ດັດສ້າງບໍ່ຕັດອິດສາລະພາບ ແລະຈະຖືກປັບໃໝແຕ່ 500.000 ກີບຫາ 3.000.000 ກີບ.
ໃນກໍລະນີການບັງຄັບຮ່ວມເພດທີ່ພາໃຫ້ມີການບາດເຈັບໜັກ ຈະຖືກລົງໂທດຕັດອິດສາລະພາບ ແລະຖືກປັບໃໝ ແຕ່ 1.000.000-5.000.000 ກີບ. ຮູ້ແບບນີ້ແລ້ວຢ່າພະຍາຍາມຝືນໃຈເມຍເດີບັນດາສຸພາບບຸລຸດ ເພາະວ່າເຮົາເປັນເຈົ້າຂອງຫົວໃຈເຂົາບໍ່ໄດ້ໝາຍເຖິງເປັນເຈົ້າຊີວິດ ທີ່ຈະເຮັດຫຍັງຕາມໃຈຊອບໄດ້!!!
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment