ວຽງຄຳ ເມຶອງວິລະຊົນຂອງແຂວງ ຫຼວງພະບາງ ທີ່ເຄີຍເປັນເມືອງທີ່ທຸກຫຍາກຂອງແຂວງຫຼວງພະບາງ ເຊິ່ງຫ່າງຈາກເທດສະບ້ານແຂວງໄປທາງທິດເໜຶອ 200 ກິໂລແມ້ດມີຊາຍແດນຕິດກັບ 4 ຕົວເມຶອງ ມີ 9 ກຸ່ມບ້ານ ແລະ 1 ບ້ານໃຫ່ຍ ມີເນືອທີ່ 2.143 ເຮັກຕາ ເນື້ອທີ່ສ່ວນຫຼາຍແມ່ນເຂດພູດອຍກວມເອົາ 78 ,27 %; ຊຶ່ງຫຍຖ້ງຍາກຕໍ່ການທຳມາຫາກິນ ແຕ່ການນຳເມືອງກໍ່ມີຄວາມພະຍາຍາມພິກວິກິດໃຫ້ເປັນໂອກາດ ໂດຍການສົ່ງເສີມປະຊາຊົນລ້ຽງສັດໃຫຍ່ເປັນທ່າແຮງຫຼັກເຮັດໃຫ້ເສດຖະກິດຂອງເມືອງນັບມື້ດີຂຶ້ນ ແລະກຽມປະກາດເປັນເມືອງທີ່ຫຼຸດພົ້ນອອກຈາກຄວາມທຸກຍາກພາຍໃນປີນີ້.
ທົ່ວເມືອງວຽງຄຳມີ 71 ບ້ານ ມີ 4.983 ຄອບຄົວ , ມີພົນລະເມຶອງທັງໝົດ 29 , 470 ຄົນ ຍິງ 14 ; 556 ຄົນ , ປະກອບ ມີ 3 ຊົນເຜົ່າ ອາຊີບຕົນຕໍ່ຂອງປະຊາຊົນສ່ວນໃຫ່ຍແມ່ນຢຶດຖືເອົາການປູກຝັງ - ລ້ຽງສັດເປັນຕົນຕໍ່ໄດ້ທັງປະລິມານ ແລະ ຄຸນນະພາບ ຊີວິດການເປັນຢູ່ຂອງພໍ່ ແມ່ ປະຊາຊົນນັບມື້ນັບດີຂື້ນເທື້ອລະກ້າວນັ້ນ ສະເລ່ຍມາຮອດປະຈຸບັນປະຊາກອນພາຍໃນເມືອງມີລາຍຮັບ 9 ລ້ານກີບ ຕໍ່ຄົນຕໍ່ປີ .
ທ່ານ ອ່ອນຕາ ວັນນະຈັກ ເຈົ້າເມຶອງໆ ວຽງຄໍຳ ແຂວງ ຫຼວງພະບາງໃຫ້ຮູ້ວ່າ : ເພຶ່ອສູ້ຊົນສ້າງຜົນງານໄວ້ຂ່ຳນັບຮັບຕ້ອນ ແລະ ກະກຽມປະກາດເມຶອງວຽງຄຳໃຫ້ເປັນເມຶອງຫຼຸດພົ້ນອອກຈາກຄວາມດ້ອຍພັດທະນາໃນປີ 2018 ນັ້ນ , ພວກເຮົາ ອົງການຈັດຕັ້ງທີກ່ຽວຂ້ອງ ແມ່ນໄດ້ສຸ່ມໃສ່ບັນດາວຽກງານດ້ານຕ່າງໆ ເປັນຕົ້ນແມ່ນວຽກງານດ້ານການສຶກສາ , ວຽກງານສາທາລະນາສຸກ , ວຽກງານດ້ານການກະສີກຳປູກຝັງ - ລ້ຽງສັດຕາມທ່າແຮງບົ້ມຊ້ອນຂອງບ້ານ ສ້າງແຜນການ ແລະ ການລົງທຶນ ແລະ ວຽກງານອື່ນໆທີ່ສຳຄັນເປັນຕົ້ນຕໍ , ວຽກງານສຶກສາອົບຮົມປຸກລະດົມ ຄົນຂວາຍ ການເມຶອງນຳພາແນວຄິດໃຫ້ພໍ່ແມ່ປະຊາຊົນພາຍໃນເມຶອງຂອງຕົນຢ່າງເປັນປະຈຳເລີ່ມມາແຕ່ປີ 2015 ແລະທຳການປະເມີນແລ້ວເຫັນວ່າພາຍໃນເມຶອງວຽງຄຳແມ່ນມີຄວາມພ້ອມປະກາດເປັນເມຶອງຫຼຸດພົ້ນອອກຈາກຄວາມດ້ອຍພັດທະນາໃນປີ 2018.
ເພື່ອຮັບປະກັນໃຫ້ວຽກງານພາຍໃນເມືອງບັນລຸຜົນສຳເລັດຕາມຄາດໝາຍ ແລະລື່ນຄາດໝາຍທີ່ກຳນົດໄວ້ ທ່ານເຈົ້າເມືອງວຽງຄຳໄດ້ມີຂໍ້ຕົກລົງອອກມາໃຫ້ແຕ່ລະໜ່ວຍງານ ມີຄວາມຮັບຜິດຊອບໃນໜ້າທີ່ການເມືອງ ແລະໜ້າທີ່ວິຊາສະເພາະຂອງຕົນ ເພື່ອຮັບປະກັນທຸກຂະແໜງການມີຄວາມພ້ອມສຳລັບການປະກາດເປັນເມືອງຫຼຸດພົ້ນອອກຈາກຄວາມດ້ອຍພັດທະນາ.
ທ່ານ ອ່ອນຕາ ວັນນະຈັກ ຍັງອີກວ່າ : ຜ່ານການຈັດຕັ້ງປະຕິບັດໃນໄລຍະຜ່ານມາແມ່ນມີຂໍ້ສະດວກ ແລະ ຫຍຸ້ງຍາກພໍສົມຄວນ ປະຊາຊົນພາຍໃນເມຶອງ ວຽງຄຳໃນໄລຍະຜ່ານມາກໍ່ພ້ອມກັນເອົາໃຈໃສ່ປະຕິບັດຢ່າງຕັ້ງໜ້າ ເຮັດໃຫ້ຫຼາຍບ້ານ ແລະ ຫຼາຍຄອບຄົວໄດ້ກາຍເປັນບ້ານ ແລະ ຄອບຄົວຫຼຸດພົ້ນອອກຈາກຄວາມທຸກຍາກ ບ້ານປະຈຸບັນເມືອງວຽງຄຳຫຍັງມີບ້ານທຸກຍາກ 18 ຫຼັງຄາເຮຶອນ ຂອງຈຳນວນທັງໝົດໃນທົ່ວເມືອງ.
ແຕ່ໃນເວລາດຽວກັນນີ້ ເມືອງກໍ່ຍັງຜະເຊີນກັບບັນຫາການເຮັດໄຮ່ເລື່ອງລອຍ ເນື່ອງຈາກບໍ່ມີພື້ນທີ່ພຽງສຳລັບການປູກເຂົ້າ ແລະພືດພັນກະສິກຳ ເຮັດໃຫ້ການສ້າງຄອບຄົວຕົວແບບຫຍັງມີໜ້ອຍ ໃນຈຸດນີ້ອົງການຈັດຕັ້ງທີ່ກ່ຽວຂ້ອງຕ້ອງສຸມໃສ່ສຶກອົບຮົມກປຸກລະດົມໃຫ້ພໍ່ແມ່ປະຊາຊົນຮັບຮູ້ເຂົ້າໃຈການປູກຝັງ - ລ້ຽງສັດ ທີ່ຖືກວິທີ ແລະບໍ່ເປັນການທຳລາຍປ່າໄມ້.
ໂດຍ : ເກນ ວິໄລສານ
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment