ຕາມຂ່າວຈາກປະຊາຊົນທີ່ຜ່ານໄປທາງລ້ອງແຈ້ງໃຫ້ຮູ້ວ່າ: ປະຈຸບັນຂົວນ້ຳໄຜ່ ທາງເມືອງລ້ອງແຈ້ງ ແຂວງ ໄຊສົມບູນ ໄດ້ຫັກເຄີ່ງຈຸລົງຈຳນ້ຳ ເຮັດໃຫ້ປະຊາຊົນບໍ່ສາມາດສັນຈອນໄປມາໄດ້ ເຫດການເກີດຂຶ້ນໃນວັນທີ 25/3/2018 ສ່ວນສາເຫດນັ້ນຍັງຢູ່ຂັ້ນຕອນກວດກາເບີ່ງຄວາມເປັນຈິງກ່ອນ.
ຊຶ່ງຫລາຍຄົນໃຫ້ຄຳເຫັນວ່າ ອາດຈະເປັນຍ້ອນຮັບນ້ຳຫນັກຫຼາຍເກີນໄປ ຂະນະທີ່ຂົວແຕ່ລະແຫ່ງວິຊາການແມ່ນໄດ້ປະເມີນຄວາມສາມາດຮອງຮັບນ້ຳໜັກໄດ້ໃນລະດັບທີ່ແຕກຕ່າງກັນ ສະນັ້ນຜູ້ທີ່ໃຊ້ລົດໃຊ້ຖະໜົນຄວນສັງເກດເບິ່ງປ້າຍທີ່ຕິດຢູ່ສົ້ນຂົວ ແລະປະຕິບັດຕາມ ເພື່ອຫຼີກລ່ຽງບັນຫາຂົວຫັກ.
ບັນຫາຂົວຫັກບໍ່ແມ່ນຫາກໍ່ເກີດຂຶ້ນ ແຕ່ເກີດມາໂດຍຕະຫຼອດ, ສ່ວນໃຫຍ່ກໍ່ແມ່ນຜູ້ໃຊ້ລົດໃຊ້ຖະໜົນບັນທຸກເຄື່ອງຂອງໜັກເກີນເຫດ ເຮັດໃຫ້ຂົວບໍ່ສາມາດຮອງຮັບນ້ຳໜັກໄດ້, ແຕ່ຄຽງຄູ່ກັນນີ້ກໍ່ມີສ່ວນກ່ຽວພັນກັບການກໍ່ສ້າງເຊັ່ນດຽວກັນ ຢາກໃຫ້ສິ່ງກໍ່ສ້າງໝັ້ນຄົງທົນທານການກວດກາຄຸນນະພາບແມ່ນສຳຄັນຫຼາຍ ການກໍ່ສ້າງຕ້ອງໄດ້ໃຫ້ມາດຕະຖານ ແລະມີມາດຕະການບັງຄັບຕໍ່ຜູ້ຊົມໃຊ້ ໃຫ້ພ້ອມກັນປະຕິບັດ.
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment