ແຟນໆຫຼາຍຄົນຮູ້ຈັກ ເສກສັນ ໄຊສະນັ່ນ (ຟຸກ) ໃນນາມຄົນວົງການບັນເທີງໂດຍສະເພາະຊາຍແບບຂອງຄ້າຍfirstmodelinglao ແຕ່ທ່ານອາດຕ້ອງຕະລຶງ ເມື່ອາູ້ວ່າຫນຸ່ມຟຸກ ເປັນນັກກີລາພາຣາໄກດິງ&ພາຣາມໍເຕີ ໂດຍປັດຈຸບັນກຳລັງເລັ່ງຝຶກຊ້ອມຢ່າງຫນັກເພື່ອເຂົ້າຮ່ວມແຂ່ງຂັນກີລາ ອາຊຽນເກມທີ່ປະເທດອິນໂດເນເຊຍເປັນເຈົ້າພາບລະຫວ່າງວັນທີ18 ສິງຫາ ເຖິງ 9 ກັນຍາ 2018.
ຫນຸ່ມຟຸກ ເສກສັນ ໄຊສະນັ່ນ ກ່າວກັບລາວອັບເດດວ່າ: ສະບາຍດີ ນ້ອງຊື່ ເສກສັນ ໄຊສະນັ່ນ (ຟຸກ) ອາຍຸ21ປີ ເປັນນັກກິລາພາຣາໄກດິງ ແລະ ພາຣາມໍເຕີ ຂອງ ທີມວຽງຈັນພາຣາມໍເຕີ Vientiane Paramotor ແລະ ສະຫະພັນກິລາທາງອາກາດແຫ່ງຊາດ Lao Air sport ...
ຟຸກເປັນຜູ້ໜຶ່ງທີ່ມັກໃນການບິນຢູ່ແລ້ວຈຶ່ງມີຄວາມສົນໃຈໃນການຫລິ້ນກິລານີ້ເຊິ່ງເປັນກິລາໃໝ່ສຳລັບບ້ານເຮົາຟຸກເອງກໍ່ມັກກິລາທີ່ທ້າທາຍເພາະເປັນກິລາທີ່ໃຊ້ທັດສະແລະສະມາທິສູງ.
ຟຸກເລີ່ມຊ້ອມກິລາພາຣາໄກດິງແລະພາຣາມໍເຕີ ໄດ້2ປີແລ້ວ ຈະຊ້ອມຊວງເວລາວ່າງຈາກການເຮັດວຽກ, ສະຖານທີ່ຊ້ອມແມ່ນ ສະໜາມບິນໂຄກສາ(ຫລັກ35),ຫາດຊາດແຄມຂອງ,ບາງຄັ້ງກໍ່ຈະໄປຊ້ອມນອກນະຄອນຫລວງ ເຊັ່ນ: ຊຽງຂວາງ,ຜ່າຕາກເສື້ອ ໜອງຄາຍ (ປະເທດໄທ).
ໃນໄວໆນີ້ຟຸກ ແລະ ທີມງານກໍ່ມີການຊ້ອມເພື່ອກະກຽມເຂົ້າຮ່ວມແຂ່ງຂັນກິລາອາຊຽນເກມ ທີ່ປະເທດອິນໂດເນເຊຍ ໃນເດືອນສິງຫານີ້ ເຊິ່ງເປັນຄັ້ງທຳອິດໃນການເຂົ້າຮ່ວມຂອງປະເທດລາວເຮົາ.
ທີ່ຜ່ານມາທີມງານເຮົາກໍ່ເຄີຍເຂົ້າຮ່ວມມາແລ້ວຫລາຍລາຍການໃນປະເທດເພື່ອນບ້ານເຮົາແລະສາມາດຄວ້າລາງວັນໄດ້.
ສຸດທ້າຍນີ້ຟຸກເອງກໍ່ຢາກຝາກເຖິງໃຜທີ່ສົນໃຈໃນກິລາພາຣາໄກດິງແລະພາຣາມໍເຕີນີ້ ກໍ່ສາມາດມາສະໝັກເປັນນັກກິລານຳທີມງານວຽງຈັນພາຣາມໍເຕີ Vientiane Paramotor ເພາະພວກເຮົາຍັງຕ້ອງການນັກກິລາຫລາຍຢູ່ເພື່ອຝຶກຊ້ອມເຂົ້າຮ່ວມການແຂ່ງຂັນລາຍການຕ່າງໆ.
ແຫລ່ງທີ່ມາFook Saksun Saisananh
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment