Money Belt ຫຼື ສາຍແອວແຊັມ ສໍາລັບຜູ້ຊະນະໄຟທ໌ລະຫວ່າງ ຟລອຍ ເມເວດເທີ ຈູເນຍ ນັກມວຍສາກົນອາຊີບ ກັບ ຄອນເນີ ແມັກເກຣເກີ ນັກສູ້ແບບປະສົມ ໄດ້ມີການເປີດຕົວຢ່າງເປັນທາງການແລ້ວ ເມື່ອວັນທີ 23 ສິງຫາ ທີ່ຜ່ານມາ ເຊິ່ງມີມູນຄ່າສູງເຖິງ 310,000 ປອນ ປະດັບດ້ວຍເພັດ 3 ພັນກວ່າເມັດ.
ພິທີເປີດຕົວສາຍແອວແຊັມ ສໍາລັບຜູ້ຊະນະລະຫວ່າງ ຟລອຍ ກັບ ແມັກເກຣເກີ ຈັດຂຶ້ນເມື່ອທ້າຍອາທິດ ທີ່ຜ່ານມາ ຕາມເວລາໃນທ້ອງຖິ່ນ ທີ່ເຄເອ ເທຍເຕີ ລາສເວກັສ ສະຫະລັດອາເມຣິກາ ກ່ອນຈະດວນກັນໃນວັນອາທິດທີ 26 ສິງຫານີ້ ຕາມເວລາທ້ອງຖິ່ນ ( ກົງກັບ 27 ສິງຫາໃນບ້ານເຮົາ ).
ສໍາລັບ ສາຍແອວດັ່ງກ່າວ ມີຄວາມພິເສດຢູ່ທີສາຍ ເຮັດຈາກໜັງແຂ້ ປະດັບດ້ວຍເພັດ 3,360 ເມັດ, ຫິນແຊຟໄຟ 600 ເມັດ ແລະ ມໍລະກົດ 300 ເມັດ ເຊິ່ງມີນໍ້າໜັກ 1.5 ກິໂລກຣາມ ໂດຍ ເມົາຣິຊິໂອ ສຸໄລນາມ ປະທານອົງກອນມວຍໂລກ ( WBO ) ເປັນຜູ້ສັ່ງໃຫ້ຜະລິດຂຶ້ນໃນລາຄາ 310,000 ປອນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment