ສຳລັບຫຼາຍໆຄົນອາດຈະຍັງບໍ່ຮູ້ຈັກຄຳວ່າ e-Sports ແຕ່ໃນມື້ນີ້ທີມຂອງຄົນລາວເຮົາສາມາດຍາດເອົາໄຊຊະນະ ໃນການແຂ່ງຂັນ e-Sports ທີ່ປະເທດໄທ ໃນລາຍການ ROG Master ເຊິ່ງເປັນການແຂ່ງຂັນເກມ DOTA2.
ເຊີ່ງນັກກິລາ e-Sports ຂອງລາວເຮົາເອງ ເຊີ່ງມີຊື່ທີມວ່າ Aggressive Slayer ກໍໄດ້ແຂ່ງຂັນມາຕັ້ງແຕ່ຮອບອອນໄລນ໌ ຈົນຜ່ານຜ່າອຸປະສັກເຂົ້າມາຮອດຮອບອອຟໄລນ໌ ໄດ້ເຊິ່ງໄດ້ຈັດຂື້ນ ໃນວັນທີ 26-27 ສິງຫາ ທີ່ນະຄອນຫຼວງບາງກອກ ໂດຍເປັນນັດຊິງຊະນະເລີດ.
ປະກົດວ່າ: ທີມລາວເຮົາເອງກໍສາມາດຄວ້າເອົາໄຊຊະນະ ແລະ ຜ່ານເຂົ້າຮອບຕໍ່ໄປທີ່ຈະຈັດຂື້ນທີ່ປະເທດຟິລິປິນ ທີ່ມີເງີນລາງວັນລວມເຖີງ 200,000 ໂດລາ ແຕ່ໃນຮອບນີ້ທາງທີມຂອງລາວເຮົາທີ່ຊະນະກໍໄດ້ເງິນລາງວັນສະໜັບສະໜູນເປັນຈຳນວນ 50,000 ບາດ ຈາກທາງ ROG Master Thailand.
ສໍາລັບຜົນງານຄັ້ງນີ້ ຖືເປັນອີກໜື່ງຂີດໝາຍທີ່ບອກວ່າ ປະເທດລາວເຮົາເອງກໍມີນັກແຂ່ງຂັນກິລາ e-Sports ທີ່ມີຝີມືເຊັ່ນກັນບໍໜ້ອຍໜ້າກັບຕ່າງປະເທດ ທີ່ກຳລັງພັດທະນາ ແລະ ຫວັງວ່າທຸກຄົນໃນສັງຄົມຈະໃຫ້ການສະໜັບສະໜູນນັກກິລາ e-Sports ຂອງລາວເຮົາທຸກຄົນ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment