(VOVWORLD) ວັນທີ 29 ສິງຫາ, ທ່ານຮອງຫົວໜ້າຫ້ອງວ່າການລັດຖະບານຍີ່ປຸ່ນ Yoshihide Suga ໃຫ້ຮູ້ວ່າ:ປະເທດນີ້ໄດ້ກ່າວປະນາມດ້ວຍບັນດາຄຳເວົ້າເຂັ້ມແຂງທີ່ສຸດກ່ຽວກັບເຫດຍິງລູກສອນໄຟທີ່ສປປ.ເກົາຫຼີ ທີ່ຫາກໍ່ປະຕິບັດໃນຕອນເຊົ້າວັນດຽວກັນ.
ທ່ານ Yoshihide Suga ຕີລາຄາວ່າ
ເຫດຍິງລູກສອນໄຟຄັ້ງນີ້ຂອງສປປ.ເກົາຫຼີ
ໄດ້ສ້າງໄພນາບຂູ່ຢ່າງ
ຮ້າຍແຮງເຖິງຄວາມສະຫງົບຂອງຍີ່ປຸ່ນ ແລະ ໃຫ້ຮູ້ວ່າ: ລັດຖະບານຍີ່ປຸ່ນ ຈະປະຕິບັດບັນດາມາດ
ຕະການທີ່ຈຳເປັນ.
ກ່ອນໜ້ານັ້ນ, ທ່ານນາຍົກລັດຖະມົນຕີຍີ່ປຸ່ນ ຊິນໂຊ ອາເບະ ຖະແຫຼງວ່າ: ທ່ານຈະເຮັດທຸກສິ່ງທຸກຢ່າງ
ຕາມຄວາມສາມາດທີ່ຈະເຮັດໃດ້ ເພື່ອປົກປ້ອງປະຊາຊົນ.
ຕາມແຈ້ງການຂອງລັດຖະບານຍີ່ປຸ່ນ
ແລ້ວ, ລູກສອນໄຟຂອງສປປ.ເກົາຫຼີ
ໄດ້ບິນຜ່ານເຂດຜືນ
ແຜ່ນດິນທາງພາກເໜືອຂອງປະເທດນີ້ ໃນເວລາ 6 ໂມງ 06 ນາທີ
ຕາມເວລາທ້ອງຖິ່ນ. ແຕ່ກອງທັບຍີ່ປຸ່ນ ພັດບໍ່ຍິງລູກສອນໄຟຂອງສປປ.ເກົາຫຼີ
ໃຫ້ຕົກເທື່ອ.
ຊ່ອງໂທລະພາບ NHK ໃຫ້ຮູ້ວ່າ: ລູກສອນໄຟຂອງສປປ.ເກົາຫຼີ
ໄດ້ຕົກຢູ່ເຂດນອກຝັ່ງທະເລ ຫ່າງຈາກເກາະ ຮ໊ອກໄກໂດໄປທາງທິດຕາເວັນຕົກ 1.180
ກ.ມ.
ໃນວັນດຽວກັນ,
ກະຊວງປ້ອງກັນປະເທດອາເມລິກາ ຢັ້ງຢືນວ່າ: ສປປ.ເກົາຫຼີ
ຫາກໍ່ຍິງລູກສອນ
ໄຟລູກໜຶ່ງ, ແຕ່ເຖິງຢ່າງໃດກໍ່ຕາມ,ເຫດຍິງລູກສອນໄຟດັ່ງກ່າວບໍ່ນາບຂູ່ເຖິງເຂດທາງ
ທິດເໜືອຂອງອາເມລິກາ ແລະ
ກອງທັບອາເມລິກາ ພວມສືບຕໍ່ເກັບກຳຂໍ້ມູນຂ່າວຕື່ມອີກ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment