ຊົມເຊີຍທຸກພາກສ່ວນ! ຊ່ວຍໄດ້ແລ້ວ ຜູ້ເຄາະຮ້າຍເຫດເຮືອຫຼົ້ມ ຢູ່ເມືອງໂຂງ

ພາຍຫຼັງທີ່ພໍ່ແມ່ປະຊາຊົນ, ອຳນາດການປົກຄອງເມືອງ ແລະ ພາກສ່ວນກ່ຽວຂ້ອງທັງຫຼາຍ ໄດ້ພະຍາຍາມຊ່ວຍຜູ້ເຄາະຮ້າຍ ຊື່ ທ້າວ ແດງ ອາຍຸ 47 ປີ, ປະຊາຊົນ ບ້ານດອນສະໂຮງ ເມືອງໂຂງ ແຂວງຈຳປາສັກ ຈາກເຫດເຮືອຫຼົ້ມ ແຕ່ວັນທີເຫດເກີດແຕ່ເວລາ 8:00 ໂມງເຊົ້າ ຂອງວັນທີ 28 ສິງ ຈົນມາຮອດເວລາ 09:00 ເຊົ້າຂອງວັນທີ 30 ຈຶ່ງສາມາດຊ່ວຍຜູ້ກ່ຽວໄດ້.

ຕະຫຼອດໄລຍະ 2 ມື້ຜ່ານມາເຈົ້າໜ້າທີ່ພ້ອມດ້ວຍປະຊາຊົນເຂດດັ່ງກ່າວ
ກໍ່ໄດ້ພະຍາຍາມຊ່ວຍດ້ວຍວິທີຕ່າງໆ ທັງເຮືອບິນ, ເຮືອຈັກ ແລະ ເຮືອເຈັສກີ ເປັນ 10 ກວ່າລຳ ເພື່ອມາຊອກຫາທາງຊ່ວຍ ສຸດທ້າຍກໍ່ສາມາດຊ່ວຍຜູ້ເຄາະຮ້າຍໄດ້ຢ່າງປອດໄພ .