ຄົນລາວເມື່ອເວົ້າເລື່ອງປາຄໍ່ໃຫຍ່ກໍ່ຕ້ອງຮູ້ຈັກເພງນີ້ເພາະດັງຕິດຫູມາຫຼາຍປີ, ແຕ່ມີໃຜແນ່ຮູ້ວ່າເພງນີ້ໂດ່ງດັງຂ້າມປະເທດຂ້າມທະວີບໄປຢ່າງບໍໜ້າເຊື່ອ ແລະທີ່ໜ້າເຫຼືອເຊື່ອກວ່ານັ້ນຄືທີ່ເພິ່ນມິດໄປເລີຍບໍ່ມາຮ້ອງໃຫ້ຟັງອີກເພາະວ່າ ດັງເກີນໄປຈົນຕ້ອງຖືກຮ້ອງຟ້ອງໃຫ້ຕິດຄຸກຍ້ອນ.
ນີ້ເປັນເລື່ອງເກົ່າເອົາມາເລົ່າໃໝ່ເພື່ອເປັນຄວາມຮູ້ ສຳລັບຜູ້ທີ່ຕິດໃຈໃນຜົນງານຂອງເຈົ້າຂອງເພງປາຄໍ່ໃຫຍ່ ທ້າວ ໄພຣັດ ຂອດເມໄຊ ຫຼື ຊຽງສະຫວັນ ຄົນໄທເຂີຍລາວ, ຜູ້ຊາຍຄົນນີ້ຮຽນຈົບພຽງ ປ1 ແຕ່ມີພອນສະຫວັນບວກກັບຄວາມມັກສ່ວນຕົວໃນການຮ້ອງ ແລະແຕ່ງເພງຈິ່ງໄດ້ມາຊຶ່ງຜົນງານເພງ "ປາຄໍ່ໃຫຍ່ " ທີ່ທຸກຄົນໄດ້ຟັງໃນປະຈຸບັນ.
ຊຽງສະວຫວັນເປີດເຜີຍວ່າເພງປາຄໍ່ໃຫຍ່ແມ່ນໄດ້ໂດ່ງດັງຢູ່ເມືອງລາວເຖິງ 3 ປີຕິດຕໍ່ກັນຈາກນັ້ນຈິ່ງໄປດັງຢູ່ປະເທດອື່ນອັນເຮັດໃຫ້ຕົນເອງໄດ້ອອກຄອນເສີດຮ້ອງເພງໄປຫຼາຍບ່ອນກ່ອນຖືກຟ້ອງລະເມີດລິຂະສິດ ຊຶ່ງການໄປທົວຄອນເສີດແຕ່ລະເທື່ອແມ່ນຕົນຮັບງານເອງ, ຮັບເງິນເອງບໍ່ໄດ້ຜ່ານບໍລິສັດ ເນື່ອງຈາກບໍ່ມີຄວາມຮູ້, ບໍ່ຮູ້ຫຍັງກ່ຽວກັບລິຂະສິດເລີຍຈິ່ງຄິດວ່າເປັນເພງຕົນເອງຮ້ອງເອງຄົງບໍ່ມີບັນຫາ ແຕ່ສຸດທ້າຍກໍ່ຖືກຈັບຈົນເຈົ້າຂອງບໍ່ກ້າຮ້ອງເພງນີ້ອີກແລ້ວ.
ແນວໃດກໍ່ຕາມນີ້ເປັນພຽງຂໍ້ມູນເກົ່າໆເອົາມາເລົ່າໃຫ້ຟັງເທົ່ານັ້ນສ່ວນວ່າຄະດີເພິ່ນແກ້ໄຂໄປແນວໃດ ປະຈຸບັນເພິ່ນເປັນແນວໃດແລ້ວແມ່ນບໍ່ມີຂໍ້ມູນ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment