ກ່ອນໜ້ານີ້ ສະຫະພັນບານເຕະອາຊີ ຫຼື ເອເອັຟຊີ ປະກາດຂ່າວຮ້າຍຕໍ່ວົງການບານເຕະລາວ ເມື່ອຕັດສິດຂອງ ລາວໂຕໂຢຕ້າ ເອັຟຊີ ແຊັມລາວພຣີເມຍລີກ 2017 ອອກການສິດການແຂ່ງຂັນບານເຕະ ເອເອັຟຊີ ຄັບ 2018 (AFC Cup 2018) ເນື່ອງຈາກມີສ່ວນກ່ຽວຂ້ອງກັບ ການລົ້ມບານ ຫຼື ລ໊ອກຜົນຄະແນນ ເມື່ອລະດູການທີ່ຜ່ານມາ
ໂດຍ ເອເອັຟຊີ ລະບຸຜ່ານເວັບໄຊທາງການວ່າ: ໜ່ວຍງານກວດກາການເຂົ້າຮ່ວມການແຂ່ງຂັນ (Entry Control Body) ຂອງ AFC ໄດ້ແຈ້ງຕໍ່ກອງປະຊຸມ ໃນວັນພຸດ 13 ທັນວາ 2017 ວ່າ ສະໂມສອນລາວໂຕໂຢຕ້າ ບໍ່ສາມາດເຂົ້າຮ່ວມໃນການແຂ່ງຂັນບານເຕະ AFC Cup 2018 ໄດ້, ເນື່ອງຈາກຖືກກ່າວຫາວ່າມິສ່ວນກ່ຽວຂ້ອງທາງກົງ ຫຼື ທາງອ້ອມໃນການລ໋ອກສະກໍ ຜົນການແຂ່ງຂັນບານເຕະ AFC Cup ລະດູການ 2015-2016.
ເຊິ່ງການກະທໍາດັ່ງກ່າວແມ່ນຜິດຕໍ່ມາດຕາ 12.8 ຂອງກົດລະບຽບການເຂົ້າຮ່ວມການແຂ່ງຂັນບານເຕະລະດັບສະໂມສອນຂອງ AFC 2017-2020 (Entry Manual for AFC Cup Competitions 2017-2020).
ຢ່າງໃດກໍ່ຕາມ, ສະໂມສອນ ລາວໂຕໂຢຕ້າ ເອັຟຊີ ໄດ້ຍື່ນອຸນທອນ ວ່າໄດ້ເຮັດຕາມກົດລະບຽບ ຈາການຕັດຊື່ນັກເຕະທີມີສ່ວນກັບການລົ້ມບານອອກຈາກທີມໝົດແລ້ວ ຈົນພົ້ນຂໍ້ກ່າວຫາ ເຮັດໃຫ້ສາມາດມາແຂ່ງຂັນ ບານເຕະ ເອເອັຟຊີ ຄັບ 2018 ໄດ້ຄືເກົ່າ ເມື່ອ ເອເອັຟຊີ ປະກາດໃຫ້ກັບມາແຂ່ງຂັນໄດ້ (ດັ່ງຮູບ)
ສໍາລັບ ລາວໂຕໂຢຕ້າ ເອັຟຊີ ຈະໄດ້ສິດໄປແຂ່ງຂັນໃນຮອບ Play off ໂດຍພົບກັບ ບຶກເກັດ ອັງກໍ ທີມໃນລີກກໍາປູເຈຍ ໂດຍນັດທໍາອິດແມ່ນແຂ່ງຂັນວັນທີ 22 ມັງກອນ ເວລາ 18:30 ຢູ່ທີ່ສະຫນາມກິລາໂອແລມປິກປະເທດກໍາປຸເຈຍ ແລະ ວັນທີ 29 ມັງກອນ 2018 ເວລາ 18:00 ຢູ່ທີ່ສະຫນາມກິລາແຫ່ງຊາດຫລັກ 16 ຖ້າທີມໃດຊະນະຈະໄດ້ເຂົ້າຮ່ວມກຸ່ມ F ມີ : CERES NEGROS FC ຫລື FC MERALCO MANILA ຈາກປະເທດ ຟີລິບປິນ, HOME UNITED ຈາກປະເທດສິງກະໂປ, SHAN UNITED FC ຈາກປະເທດມຽນມາ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment