ໃນວັນທີ 12 ມັງກອນ 2018 ທີ່ໂຮງແຮມ ຄຣາວພລາຊາ ນະຄອນຫຼວງວຽງຈັນ ໄດ້ຈັດພິທີເຊັນສັນຍາ ການຜະລິດ ແລະ ຕິດຕັ້ງປ້າຍໂຄສະນາປີທ່ອງທ່ຽວລາວ ລະຫວ່າງ ທ່ານ ສູນ ມະນີວົງ ຫົວໜ້າກົມໂຄສະນາການ ທ່ອງທ່ຽວ, ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ກັບ ທ່ານ ສັນທະລັກ ຈ່າສານ ປະທານ ບໍລິສັດ ບິກບລູ ເອເຈນຊີລາວ (ບໍລິສັດຟ້າ ໃຫຍ່ມີເດຍ ຈຳກັດ) ໂດຍມີທ່ານ ສະຫວັນຄອນ ຣາຊມົນຕີ ຮອງລັດຖະມົນຕີ ກະຊວງຖວທ ເຂົ້າຮ່ວມເປັນສັກຂີພິຍານ.
ໂຄງການປີທ່ອງທ່ຽວລາວ 2018 ໄດ້ຈັດຕັ້ງຂຶ້ນເພື່ອເຜີຍແຜ່ແນວທາງນະໂຍບາຍຂອງພັກ ແລະ ລັດຖະບານ ເພື່ອສົ່ງເສີມ, ຊຸກດັນ ແລະ ພັດທະນາການທ່ອງທ່ຽວໃຫ້ກາຍເປັນອຸດສາຫະກຳ ການທ່ອງທ່ຽວທີ່ມີຄວາມເຂັ້ມແຂງ, ມີຄວາມສາມາດໃນການແຂ່ງຂັນ ດ້ວຍການຍົກລະດັບຄຸນນະພາບ ຂອງການບໍລິການທ່ອງທ່ຽວໃຫ້ເປັນທີ່ປະທັບໃຈ, ຮັບປະກັນຄວາມປອດໄພຂອງນັກທ່ອງທ່ຽວ ແລະ ສົ່ງເສີມການທ່ອງທ່ຽວພາຍໃນປະເທດ “ລາວທ່ຽວລາວ” ເພື່ອຫຼຸດຜ່ອນການຮົ່ວໄຫຼຂອງເງິນຕາອອກໄປຕ່າງປະເທດ ແລະ ໃຫ້ເກີດຄວາມສາມາດຮອງຮັບນັກທ່ອງທ່ຽວທັງໃນປັດຈຸບັນ ແລະ ໃນອະນາ ຄົດ.
ແຫລ່ງທີ່ມາຈາກໜັງສືພິມເສດຖະກິດ ການຄ້າ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment