ມູນນິທິຊ່ວຍເຫຼືອຜູ້ປະສົບໄພ ແຂວງຄຳມ່ວນ Rescue Khammouan ລາຍງານວ່າ: ໃນວັນທີ 23 ມັງກອນ 2018 ເວລາ: 20:00 ໂມງ ໄດ້ຮັບແຈ້ງເຫດ ຜ່ານເບີສຸກເສີນ 020 55 33 00 65 ວ່າມີໄຟໄໝ້ເຮືອນປະຊາຊົນ ຢູ່ບ້ານ ນາໂບ ເມືອງ ທ່າແຂກ ແຂວງ ຄຳມ່ວນ.
ເມື່ອໜ່ວຍກູ້ໄພຂອງພວກເຮົາໄດ້ໄປເຖິງຈຸດເກີດເຫດໄດ້ພົບເຫັນໄຟກຳລັງລຸກໄໝ້ຢູ່ເຮືອນ 1 ຫລັງຊັ້ນລຸ່ມເປັນດິນກໍ່ແລະຊັ້ນເທິງເປັນໄມ້ ແລ້ວໄຟລາມໄປຍັງຂ້າງເຮືອນແລະຫຼັງເຮືອນຂອງຈຸດເກີດເຫດ ພວກເຮົາຈຶ່ງໄດ້ປະສານງານຫາເຈົ້າໜ້າທີ່ ສະກັດກັ້ນແລະຕ້ານອັກຄີໄພ ເພື່ອມາດັບໄຟ.
ທີມງານຂອງພວກເຮົາພ້ອມເຈົ້າໜ້າທີ່ດັ່ງກ່າວໄດ້ສົມທົບກັນເຂົ້າສະກັດກັ້ນເພື່ອບໍ່ໃຫ້ໄຟລຸກລາມໄປເຮືອນອ້ອມຂ້າງ ໃຊ້ເວລາປະມານ 3ຊົ່ວໂມງກວ່າໆຈຶ່ງສາມາດຄວບຄຸມໄວ້ໄດ້ ແລະໂຊກດີບໍ່ມີໃຜໄດ້ຮັບບາດເຈັບແລະເສຍຊີວິດ..ສາເຫດທີ່ເກີດເພີງໄໝ້ໃນຄັ້ງນີ້ແມ່ນຍັງຢູ່ໃນການສືບສວນ-ສອບສວນຂອງເຈົ້າໜ້າທີ່...
+ ເບິ່ງວິດິໂອໄຟກຳລັງໄໝ້
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment