ໃນທ້າຍອາທິດຜ່ານມານີ້ ທ່ານ ທອງໃສ ໄຊຍະວົງຄຳດີ ຫົວໜ້າເສດຖະກິດພິເສດສະຫວັນເຊໂນ ພ້ອມດ້ວຍນັກທຸລະກີດ ແລະ ນັກລົງທຶນໄດ້ມາກາບໄຫວ້ສັກກາລະບູຊາພຣະທາດໂຜ່ນ ໃນໄລຍະ ບູລະນະປະຕິສັງຂອນ ລານກຳແພງແກ້ວ ໃຫ້ກຽດຕ້ອນຮັບໂດຍທ່ານ ແສງສະຫວັນ ອານຸສິນ ຄະນະປະຈຳພັກເມືອງ ຮອງເຈົ້າເມືອງໆໄຊພູທອງ ພ້ອມດ້ວຍຄະນະນຳຂອງເມືອງເຂົ້າຮ່ວມ.
ໂອກາດດັ່ງກ່າວ ທ່ານ ທອງໃສ ໄຊຍະວົງຄຳດີ ຫົວໜ້າເສດຖະກິດພິເສດສະຫວັນເຊໂນ ແມ່ນໄດ້ພານັກທຸລະກິດ ແລະ ນັກລົງທຶນ ເດີນສຳຫຼວດເບິ່ງຄວາມເປັນໄປໄດ້ໃນການລົງທຶນເພື່ອການທ່ອງທ່ຽວ ທີ່ເດີ່ນໃຫມ່ຂອງວັດພຣະທາດໂຜ່ນ. ພ້ອມນີ້ຍັງໄດ້ປະກອບສ່ວນທຶນຮອນເຂົ້າໃນການ ເປັນເຈົ້້າສັດທາ ຮາວທູບ-ທຽນ ທີ່ສ້າງຂຶ້ນໃໝ່ຈະນຳມາຕັ້ງໄວ້ໃນລານກຳແພງແກ້ວທີ່ບູລະນະປະຕິສັງຂອນໃໝ່ ເປັນຈຳນວນເງິນ 6 ລ້ານກີບ ທັງເປັນການອະນຸລັກຕົ້ນຕານທີ່ໃຫ້ທັງຄວາມສວຍງາມ ແລະເປັນເອກະລັກຂອງເມືອງໄຊພູທອງສົມກັບຄຳຂັວນຂອງເມືອງຖິ່ນໝາກໂມຫວານ ນ້ຳຕານຫອມ.
ທ່ານ ທອງໃສ ໄໍຊຍະວົງຄໍາດີ ຍັງໄດ້ມອບທຶນເພື່ອການອະນຸລັກຕົ້ນຕານ ໃຫ້ແກ່ເມືອງ ຈຳນວນເງິນ 10 ລ້ານກີບ ໃຫ້ກຽດຂຶ້້ນຮັບໂດຍ ທ່ານ ຄຳວິໃສ ຜຸຍຍະວົງ ກຳມະການພັກເມືອງ ເຈົ້າໆເມືອງໄຊພູທອງ. ທ່ານ ຄຳວິໃສ ຜຸຍຍະວົງ ຍັງໄດ້ກ່າວຄຳຂອບໃຈ ພ້ອມດ້ວຍມອບໃບສັນລະເສີນໃຫ້ ທ່ານ ທອງໃສ ໄຊຍະວົງຄຳດີ ຄັ້ງນີ້ ທີ່ເຫັນຄວາມສຳຄັນຂອງວຽກງານອານຸລັກຕົ້ນຕານ ເພື່ອໃຫ້ຄົງຄວາມເປັນເອກະລັກຂອງເມືອງໄຊພູທອງຕໍ່ໄປ .
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment