ວັນທີ 27 ກຸມພານີ້, ທ່ານປຣະຢຸດ ຈັນໂອຊາ ນາຍົກລັດຖະມົນຕີໄທກ່າວວ່າ: ຈະຈັດການເລືອກຕັ້ງທົ່ວໄປກ່ອນເດືອນກຸມພາປີ 2019. ຂະນະດຽວກັນທ່ານກ່າວຢ້ຳຕື່ມວ່າ: ການເລືອກຕັ້ງທົ່ວໄປຈະສາມາດຈັດຂຶ້ນໄດ້ຫຼືບໍ່ນັ້ນຕ້ອງອີງຕາມສະພາບການພາຍໃນປະເທດ.
ທ່ານປຣະຢຸດໄດ້ໃຫ້ສຳພາດຕໍ່ສື່ມວນຊົນໃນວັນດັ່ງກ່າວວ່າ: ເວລາຈັດການເລືອກຕັ້ງຄວນຢູ່ໃນໄລຍະ 150 ມື້ພາຍຫຼັງກົດໝາຍທີ່ອີງຕາມລັດຖະທຳມະນູນທີ່ມີຜົນບັງຄັບໃຊ້ແລ້ວ. ໃນເດືອນມິຖຸນາປີນີ້, ພາຍຫຼັງ "ກົດໝາຍການເລືອກຕັ້ງສະມາຊິກວຸດທິສະພາ" ແລະ ກົດໝາຍການເລືອກຕັ້ງສະມາຊິກສະພາຜູ້ແທນລາດຊະດອນໂດຍຜ່ານການຮັບຮອງຈາກເຈົ້າຊີວິດໄທ, ແລະຈະຈັດກອງປະຊຸມປຶກສາຫາລືຂອງເຈົ້າໜ້າທີ່ພັກການເມືອງ ເພື່ອກຳນົດເວລາຈັດການເລືອກຕັ້ງທົ່ວໄປ.
ທ່ານ ປຣະຢຸດ ໃຫ້ຮູ້ວ່າ:ບັນດາພັກໃໝ່ອາດສາມາດເລີ່ມຈົດທະບຽນເຂົ້າຮ່ວມການເລືອກຕັ້ງໃນວັນທີ 01 ມີນາ. ຫຼັງຈາກນັ້ນ, ບັນດາພັກໃໝ່ ຈຶ່ງຈັດກອງປະຊຸມ, ແຕ່ພຽງໄດ້ປຶກສາຫາລືກ່ຽວກັບບັນດາບັນຫາສຳຄັນທີ່ໄດ້ວາງອອກຖືກຕາມກົດລະບຽບຂອງພັກ. ນອກນັ້ນ, ບໍ່ວ່າການເຄື່ອນໄຫວໃດກໍ່ຕ້ອງໄດ້ຮັບຄວາມເຫັນດີເຫັນພ້ອມຈາກ NCPO. ໃນຂະນະນັ້ນ, ບັນດາພັກ ພວມເຄື່ອນໄຫວຈະບໍ່ໄດ້ຮັບອະນຸຍາດຈັດກອງປະຊຸມ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment