ແນວລາວສ້າງຊາດເມືອງຊຽງເງິນ ຈັດພິທີຮັບຮອງເອົາ 9 ບ້ານເປັນບ້ານສາມັກຄີປອງດອງຄັ້ງທີ I
ໃນຕອນເຊົ້າ ວັນທີ 28 ກຸມພາ 2018 ນີ້ ຢູ່ສະໂມສອນເມືອງຊຽງເງິນ. ໃນນັ້ນລວມມີບ້ານດອນໂມ, ບ້ານຊຽງເງິນ, ບ້ານປາກຂັນ, ບ້ານປາກແວດ, ບ້ານ ປາກທໍ່, ບ້ານມູດ, ບ້ານ ສວນຫຼວງ, ບ້ານແອນສະຫວັນ ແລະ ບ້ານພູຊ້າງ ເປັນບ້ານສາມັກຄີປອງດອງຂອງແນວລາວສ້າງຊາດ.
ພິທີດັ່ງກ່າວຈັດຂຶ້ນພາຍໃຕ້ການເປັນປະທານຂອງ ທ່ານ ນິຄົມ ສຸລິສັກ ປະທານແນວລາວສ້າງຊາດເມືອງຊຽງເງິນ,
ໃນພິທີ ທ່ານ ອຸດອນ ພອນສະຫວັນ ນາຍບ້ານສວນຫຼວງ ໄດ້ຕາງໜ້າໃຫ້ແກ່ 9 ບ້ານ ຂື້ນຜ່ານບົດສະຫຼຸບຂະບວນການສ້າງຄອບຄົວ ແລະບ້ານສາມັກຄີປອງດອງ ແລະ ວາງທິດທາງແຜນການໃນປີຕໍ່ໜ້າ. ພ້ອມນັ້ນ, ຕາງຫນ້າຄອບຄົວທັງ 9 ບ້ານຂຶ້ນຮັບໃບຢັ້ງຢືນຄອບຄົວສາມັກຄີ ເປັນກຽດມອບໂດຍທ່ານ ນາງ ບຸນມາ ຖາວອນສັກ ຮອງປະທານແນວລາວສ້າງຊາດແຂວງ .
ທ້າຍພິທີ ໄດ້ຮັບຟັງການໂອ້ລົມຈາກທ່ານ ນາງບຸນມາ ຖາວອນສັກ ຮອງປະທານແນວລາວສ້າງຊາດແຂວງໄດ້ມີຄຳເຫັນໂອ້ລົມເຊິ່ງທ່ານໄດ້ສະແດງຄວາມຊົມເຊີຍຕໍ່ການຈັດຕັ້ງ 9 ບ້ານທີ່ຍາດໄດ້ຜົນງານ ແລະ ສຶບຕໍ່ຮັກສາມູນເຊື້ອໃນປີຕໍ່ໄປໃຫ້ໄດ້ເປັນບ້ານສາມັກຄີປອງດອງ ພ້ອມນັ້ນ, ທ່ານ ສາຍສະຫມອນ ທິດາກອນ ເຈົ້າເມືອງຊຽງເງິນ ໄດ້ສະແດງຄວາມຍ້ອງຍໍຊົມເຊີຍກໍ່ການຈັດຕັ້ງບ້ານທັງ 9 ບ້ານ ທີ່ສາມາດປະກາດເປັນບ້ານສາມັກຄີ ແລະ ຍົກໃຫ້ເຫັນຄວາມສາມັກຄີ ພ້ອມທັງຮຽກຮ້ອງໃຫ້ກວດຄືນບັນດາຄອບຄົວທີ່ຍັງບໍ່ໄດ້ຕາມມາດຖານ ແລະ ໃຫ້ນຳເອົາເນື້ອໃນຈິດໃຈໄປຈັດຕັ້ງປະຕິບັດຜັນຂະຫຍາຍຢູ່ບ້ານຂອງຕົນ.
ຂອບໃຈແຫຼ່ງຂ່າວຈາກແນວລາວສ້າງຊາດເມືອງຊຽງເງິນ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment