ຖືວ່າເປັນອີກເລື່ອງໜຶ່ງທີ່ໜ້າສໍາຄັນໃນສັງຄົມ ໂດຍສະເພາະພໍ່ແມ່ ຫຼື ບຸກຄົນອື່ນທີ່ບໍ່ມີລູກ ຫຼື ຕ້ອງການທີ່ຈະມີລູກ ແຕ່ບໍ່ສາມາດມີໄດ້, ຈໍາຕ້ອງຂໍລູກລ້ຽງ ເພື່ອມາສືບທອດຕໍ່ໄປ. ດັ່ງນັ້ນ, ມື້ນີ້ແອັດມິນນົກ ຈະມາແນະນໍາສິ່ງທີ່ທ່ານຈະຕ້ອງມີ ແລະ ຂໍກ່ອນ ເພື່ອຈະເອົາເດັກໄປເປັນລູກລ້ຽງກັບ 9 ເງື່ອນໄຂ ໃນການພິຈະນາຕໍ່ໄປ ຕາມດໍາດັດວ່າດ້ວຍການເອົາເດັກໄປເປັນລູກລ້ຽງ ຂອງພົນລະເມືອງລາວ.
ອີງຕາມ ຕາມດໍາດັດວ່າດ້ວຍການເອົາເດັກໄປເປັນລູກລ້ຽງ ພາກທີ 2 ການເອົາເດັກໄປເປັນລູກລ້ຽງຂອງພົນລະເມືອງລາວ
#ໝວດທີ 2 ເງື່ອນໄຂການເອົາເດັກໄປເປັນລູກລ້ຽງ
+ມາດຕາ 18 ເງື່ອນໄຂຂອງຜູ້ຮ້ອງຂໍເອົາເດັກໄປເປັນລູກລ້ຽງ
ພົນລະເມືອງລາວ ທີ່ຮ້ອງຂໍເອົາເດັກນ້ອຍໄປເປັນລູກລ້ຽງຕ້ອງມີເງື່ອນໄຂ ດັ່ງນີ້:
1.ມີອາຍຸ ແຕ່ 18 ປີຂຶ້ນໄປ ໃນເວລາເຮັດຄໍາຮ້ອງຂໍເອົາເດັກໄປເປັນລູກລ້ຽງ ແລະ ມີອາຍຸຫ່າງກັບເດັກທີ່ຂໍໄປເປັນລູກລ້ຽງຢ່າງໜ້ອຍ 18 ປີ.
2.ມີສະຕິສໍາປະຊັນຍະສົມບູນ.
3.ມີຖານະທາງດ້ານເສດຖະກິດ ທີ່ໝັ້ນຄົງ.
4.ມີທີ່ຢູ່ຢ່າງຖາວອນ.
5.ມີວຽກເຮັດງານທໍາອິດທີ່ແນ່ນອນ.
6.ມີສຸຂະພາບແຂງແຮງດີ, ບໍ່ເປັນພະຍາດຕິດແປດທີ່ຮ້າຍແຮງ, ບໍ່ຕິດສິ່ງເສບຕິດ.
7.ບໍ່ເຄີຍຖືກສານຕັດສິນລົງໂທດຕັດອິດສະລະພາບ ຍ້ອນການກະທໍາຜິດໂດຍເຈດຕະນາ ແລະ ບໍ່ຖືກແດສິດໃນການເປັນພໍ່ແມ່.
9.ມີຄໍາເຫັນດີຂອງຜົວ ແລະ ເມຍ.
+ມາດຕາ 19 ເງື່ອນໄຂຂອງເດັກທີ່ຈະໄປເປັນລູກລ້ຽງ
1.ຍັງບໍ່ເຖິງກະສຽນອາຍຸ 18 ປີ.
2.ຂາດການເບິ່ງແຍງລ້ຽງດູ ຫຼື ບໍ່ສາມາດຢູ່ນໍາຄອບຄົວ ຫຼື ບໍ່ສາມາດກັບຄືນສູ່ຄອບຄົວຂອງຕົວເອງ.
3.ມີຄໍາເຫັນດີຢ່າງເປັນລາຍລັກອັກສອນຂອງເດັກ ຖ້າວ່າເດັກຫາກມີອາຍຸແຕ່ 10 ປີຂຶ້ນໄປ, ຄໍາເຫັນດີນັ້ນຕ້ອງບໍ່ມີການບັງຄັບ.
4.ມີຄໍາເຫັນດີຢ່າງເປັນລາຍລັກອັກສະອນຂອງພໍ່ຄີງ ແລະ ມີຄອງຂອງເດັກ.
5.ຜ່ານການປະເມີນ ແລະ ມີຄໍາເຫັນຂອງຄະນະຮັບຜິດຊອບພິຈາລະນາການເອົາເດັກໄປເປັນລູກລ້ຽງ ແລະ ມີຊື່ໃນບັນຊີຂອງເດັກນ້ອຍທີ່ສາມາໃຫ້ເປັນລູກລ້ຽງ
ນອກຈາກເງື່ອນໄຂທີ່ກ່າວມາຂ້າງເທິງນີ້ຍັງຕ້ອງມີຄໍາເຫັນດີເປັນລາຍລັກອັກສອນຂອງພໍ່ຄີງ, ແມ່ຄີງຂອງເດັກ ຫຼື ຜູ້ປົກຄອງ ຫຼື ພາກສ່ວນທີ່ຮັບຜິດຊອບລ້ຽງດູເດັກ ແລະ ຄໍາເຫັນດີນັ້ນຕ້ອງມີການບັງຄັບ.
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment