ຕາມແຈ້ງການຫຼ້າສຸດຈາກກົມອຸຕຸນິຍົມ ແລະອຸທົກກະສາດໃຫ້ຮູ້ວ່າ: ເນື່ອງຈາກວ່າ ມວນອາກາດເຢັນທີ່ມີກຳລັງແຮງປານກາງຈາກປະເທດຈີນຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວໃນໄລຍະ 1-7 ວັນຕໍ່ໜ້ານີ້ ແລະໃນລະຫວ່າງ 1-3 ວັນທໍາອິດຈະມີແລວປະທະກັບມວນອາກາດຮ້ອນ ແລະມວນອາກາດເຢັນ ຊຶ່ງຈະເຮັດໃຫ້ເກີດພະຍຸລະດູຮ້ອນຢູ່ບາງທ້ອງຖິ່ນ ໃນແຕ່ລະພາກໄລຍະວັນທີ 20-23 ມານາ 2018 ຈະມີຝົນຕົກຟ້າຮ້ອງຟ້າເຫຼື້ອມ, ຟ້າຜ່າ, ໝາກເຫັບຕົກ ລົມພັດແຮງຢູ່ບາງທ້ອງຖິ່ນດັ່ງລຸ່ມນີ້:
- ວັນທີ 20 ມີນາ 2018 ຢູ່ແຂວງຫົວພັນ, ຊຽງຂວາງ, ຫຼວງນ້ຳທາ, ອຸດົມໄຊ, ບໍ່ແກ້ວ, ຫຼວງພະບາງ, ໄຊຍະບູລີ, ນະຄອນຫຼວງວຽງຈັນ, ແຂວງວຽງຈັນ, ໄຊສົມບູນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ເຊກອງ, ຈຳປາສັກ ແລະອັດຕະປື.
- ວັນທີ 21-22 ມີນາ 2018 ແມ່ນຢູ່ແຂວງຜົ້ງສາລີ, ຫົວພັນ, ຊຽງຂວາງ, ຫຼວງພະບາງ, ໄຊຍະບູລີ, ວຽງຈັນ, ໄຊສົມບູນ, ສາລະວັນ, ເຊກອງ, ຈຳປາສັກ ແລະອັດຕະປື.
- ວັນທີ 23 ມີນາ 2018 ຢູ່ແຂວງຜົ້ງສາລີ, ຫຼວງນ້ຳທາ, ອຸດົມໄຊ, ສາລະວັນ ແລະຈຳປາສັກ
ດັ່ງນັ້ນ, ຈິ່ງແຈ້ງເຕືອນໃຫ້ອຳນາດການປົກຄອງທຸກພາກສ່ວນ ແລະປະຊາຊົນບັນດາເຜົ່າຈົ່ງມີສະຕິ, ຫຼີກລ່ຽງ ແລະຢູ່ຫ່າງຈາກຕົ້ນໄມ້ໃຫຍ່, ບ່ອນເປີດແປນ, ສິ່ງປຸກສ້າງທີ່ບໍ່ໄດ້ມາດຖານ ເພາະມີຄວາມສ່ຽງຕໍ່ການເກີດຕົ້ນໄມ້ຫັກ, ຟ້າຜ່າອື່ນໆ ພ້ອມນີ້ໃຫ້ຕິດຕາມຂ່າວພະຍາກອນອາກາດຢ່າງໃກ້ສິດໃນແຕ່ລະວັນ.
ກົມອຸຕຸນິຍົມແລະອຸທົກກະສາດ ໄດ້ອອກ #ແຈ້ງເຕືອນໄພສະບັບເລກທີ0278/ກອຕທ ລົງວັນທີ 20/3/2018 ແຈ້ງເຕືອນໄພພາຍຸລະດູຮ້ອນໃນທຸກຂົງເຂດທົ່ວປະເທດລາວ ເຊີ່ງຈະເຮັດໃຫ້ເກີດມີລົມພັດແຮງ, ຟ້າເຫລື້ອມ, ຟ້າຮ້ອງ ແລະ ໝາກເຫັບຕົກ ເຕືອນໃຫ້ປະຊາຊົນມີສະຕິກຽມພ້ອມຮັບມືກັບສະພາບດັ່ງກ່າວ ທີ່ອາດກໍ່ໃຫ້ເກີດມີຕົ້ນໄມ້ຫັກ, ເສົາໄຟລົ້ມ, ຟ້າຜ່າທີ່ຈະເປັນອັນຕະລາຍຕໍ່ຊີວິດ ແລະ ຊັບສິນ
-----------------
Laos Update : ໃຫ້ທ່ານຫຼາຍກວ່າຂ່າວ
0 comments:
Post a Comment